ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 663
  • ມື້ວານ1,139
  • ອາທິດນີ້5,200
  • ອາທິດກ່ອນ8,573
  • ເດືອນນີ້24,889
  • ເດືອນກ່ອນ29,097
  • ທັງໝົດ168,551
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ກອງປະຊຸມ ແນະນຳການຜັນຂະຫຍາຍຈັດຕັ້ງປະຕິບັດແຜນດຳເນີນງານແຫ່ງຊາດເພື່ອຄວາມສະເໝີ ພາບຍິງ-ຊາຍ 5 ປີ ຄັ້ງທີ III ໃຫ້ພະນັກງານການນຳ ແລະ ເສນາທິການທີ່ເຮັດວຽກ ຄກມ ກະຊວງ ປທສ.

ໃນຕອນເຊົ້າຂອງວັນທີ 13 ຕຸລາ 2016 ຜ່ານມານີ້ ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ກະຊວງ ປທສ) ໄດ້ຈັດກອງປະຊຸມ ແນະນຳການຜັນຂະຫຍາຍ ແລະ ຈັດຕັ້ງປະຕິບັດແຜນດຳເນີນງານແຫ່ງຊາດເພື່ອ ຄວາມ ສະເໝີພາບຍິງ-ຊາຍ 5 ປີ ຄັ້ງທີ III (2016-2020), ພາຍໃຕ້ການເປັນປະທານຂອງ ທ່ານ ທອງໃສ ຊານໄຊຍະ ຮອງລັດຖະມົນຕີ ກະຊວງ ປທສ, ໃຫ້ກຽດນໍາສະເໜີເອກະສານໂດຍ ທ່ານ ນາງ ຈັນໂສດາ ພອນທິບ ຫົວໜ້າກອງເລຂາຄະນະກຳມາທິການເພື່ອຄວາມກ້າວໜ້າຂອງແມ່ຍິງແຫ່ງຊາດ, ມີບັນດາທ່ານທີ່ເຮັດວຽກສົ່ງເສີມຄວາມກ້າວໜ້າຂອງແມ່ຍິງ ຈາກບັນດາກົມ/ທຽບເທົ່າ, ຫົວໜ້າພະແນກ, ຮອງພະແນກ ແລະ ບໍລິສັດ ລັດວິສາຫະກິດ ອ້ອມຂ້າງກະຊວງ ປທສ ພ້ອມດ້ວຍພະນັກງານວິຊາການເຂົ້າຮ່ວມ ທັງໝົດ 180 ທ່ານ.

ການຈັດຕັ້ງກອງປະຊຸມໃນຄັ້ງນີ້ ເພື່ອເປັນການໂຄສະນາເຜີຍແຜ່ ແລະ ແນະນຳການຜັນຂະຫຍາຍແຜນດໍາເນີນງານແຫ່ງຊາດເພື່ອຄວາມສະເໝີພາບຍິງ-ຊາຍ 5 ປີ ຄັ້ງທີ III (2016-2020) ມາເປັນໂຄງການ ແລະ ແຜນງົບປະມານທີ່ສາມາດປະຕິບັດ, ພ້ອມທັງ ກຳນົດຂອບວຽກໃນການຕິດຕາມກວດກາ ແລະ ປະເມີນຜົນການຈັດຕັ້ງປະຕິບັດແຜນດຳເນີນງານແຫ່ງຊາດໃຫ້ສາມາດນໍາໄປຈັດຕັ້ງປະຕິບັດວຽກງານຕົວຈິງຂອງ ກະຊວງ ປທສ ໃຫ້ປາກົດຜົນເປັນຈິງ. ພ້ອມນັ້ນ, ຜູ້ເຂົ້າຮ່ວມກອງປະຊຸມໄດ້ຮັບຟັງການນໍາສະເໜີເອກະສານ ວິໄສທັດຮອດປີ 2030, ຍຸດທະສາດແຫ່ງຊາດເພື່ອຄວາມສະເໝີພາບຍີງ-ຊາຍ (2016-2025) ແລະ ແຜນດຳເນີນງານແຫ່ງຊາດເພື່ອຄວາມສະເໝີພາບຍິງ-ຊາຍ 5 ປີ ຄັ້ງທີ III (2016-2020). ນອກນັ້ນ ຜູ້ເຂົ້າຮ່ວມທັງໝົດຍັງໄດ້ມີການສົນທະນາແລກປ່ຽນບົດຮຽນກ່ຽວກັບວຽກງານສົ່ງເສີມຄວາມກ້າວໜ້າຂອງແມ່ຍິງ, ຄວາມສະເໝີພາບຍິງ-ຊາຍ ໄລຍະທີ່ຜ່ານມາ ແລະ ການກໍານົດໜ້າທີ່ວຽກງານໃນຕໍ່ໜ້າ.