ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 712
  • ມື້ວານ2,227
  • ອາທິດນີ້4,426
  • ອາທິດກ່ອນ6,630
  • ເດືອນນີ້25,743
  • ເດືອນກ່ອນ31,045
  • ທັງໝົດ200,450
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ກອງປະຊຸມ ລັດຖະມົນຕີ ໂທລະຄົມມະນາຄົມ ອາຊຽນ ຄັ້ງທີ 16 ທີ່ປະເທດ ບຣູໄນ.

ໃນລະຫວ່າງວັນທີ 25-26 ພະຈິກ 2016 ທີ່ຜ່ານມານີ້, ທ່ານ ປອ ທັນສະໄຫມ ກົມມະສິດ, ລັດຖະມົນຕີ ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ເຂົ້າຮວ່ມກອງປະຊຸມ ລັດຖະມົນຕີໂທລະຄົມມະນາຄົມອາຊຽນ ຄັ້ງທີ່16, ພາຍໄຕ້ຫົວຂໍ້ “ການເຊື່ອມໂຍງ ປະຊາຄົມ ແຫ່ງນະວັດຕະກໍາໃໜ່“ ( Connected Innovative Community), ທີ່ ປະເທດ ບຣູໄນ. ໂດຍການເປັນປະທານຂອງ ທ່ານ Dato Mustappa Sirat, ລັດຖະມົນຕີ ກະຊວງ ການສື່ສານ ປະເທດບຮູໄນ. ພ້ອມດຽວກັນນີ້, ຍັງໄດ້ເຂົ້າຮ່ວມກອງປະຊຸມປືກສາຫາລື ກັບ ບັນດາປະເທດ ຄູ່ຮ່ວມເຈລະຈາ ເຊັ່ນ: ສປ ຈີນ, ຢີ່ປຸນ ແລະ ສ.ເກົາຫຼີ ເພື່ອໃຫ້ການຈັດຕັ້ງປະຕິບັດແຜນແມ່ບົດອາຊຽນ ໄອຊີທີ ແຕ່ນີ້ຮອດປີ 2020 (ASEAN ICT Master plan 2020) ສາມາດບັນລຸເປົ້າໝາຍ ການພັດທະນາ ເສດຖະກິດດີຈິຕອນ ໃນຕໍ່ໜ້າໃຫ້ມີຄວາມປອດໄພ, ຍືນຍົງ ລວມໄປເຖີງການຮ່ວມມືຢ່າງຮອບດ້ານຂອງການເຊື່ອມໂຍງປະຊາຄົມດ້ານນະວັດຕະກຳ.

ໃນກອງປະຊຸມດັ່ງກ່າວໄດ້ຮັບຮອງເອົາຕົວຊີ້ວັດໃນການຈັດຕັ້ງປະຕິບັດວຽກງານທາງດ້ານ ໄອຊີທີ ແລະ ປະເມີນຜົນຂອງການຈັດຕັ້ງປະຕິບັດ ບັນດາວຽກງານໃນລະດັບການພັດທະນາ ໄອຊີທີ, ຊຶ່ງເປັນສ່ວນໜຶ່ງຂອງການຈັດຕັ້ງປະຕິບັດແຜນແມ່ບົດອາຊຽນ ໄອຊີທີ 2020, ການຮ່ວມມືອາຊຽນດ້ານການປ້ອງກັນຂໍ້ມູນສ່ວນບຸກຄົນ, ແຜນກິດຈະກໍາການຈັດຕັ້ງປະຕິບັດ ໃນປີ 2017 ຊຶ່ງປະກອບດ້ວຍບັນດາໂຄງການຕ່າງໆ ແລະ ບັນດາໂຄງການລິເລີ່ມ ໂດຍການຄັດເລືອກເອົາແຜນຍຸດທະສາດບູລິມະສິດຂອງແຜນແມ່ບົດອາຊຽນໄອຊີທີ ສຳ ລັບປີ 2017. ນອກຈາກນີ້, ບັນດາ ລັດຖະມົນຕີ ອາຊຽນ ໄດ້ເນັ້ນໜັກເຖິງຄວາມສໍາຄັນ ຕໍ່ການສົ່ງເສີມການຮ່ວມມື ດ້ານຄວາມປອດໄພດ້ານຂໍ້ມູນຂ່າວສານທາງ ອິນເຕີເນັດ ໂດຍໄດ້ຍີນດີຕໍ່ບົດສະເໜີ ຍຸດທະສາດການຮ່ວມມືດ້ານຄວາມປອດໄພດ້ານອິນເຕີເນັດໃນຂອບຂອງອາຊຽນ, ການພັດທະນາຂີດຄວາມສາມາດ ແລະ ການສ້າງບຸກຄະລາກອນ ໃຫ້ມີຄວາມສາມາດໃນການແກ້ໄຂເຫດສຸກເສີນທາງຄອມພິວເຕີ.

ໃນໂອກາດດັ່ງກ່າວ ທ່ານ ປອ ທັນສະໄໝ ກົມມະສິດ ກໍ່ໄດ້ ປະກອບຄໍາຄິດເຫັນ ແລະລາຍງານຕໍ່ກອງປະຊຸມ ວ່າ: ສປປ ລາວ ໄດ້ສຸມໃສ່ພັດທະນາພື້ນຖານໂຄງລ່າງເຕັກໂນໂລຊີການສື່ສານຂໍ້ມູນຂ່າວສານ ເພື່ອໃຫ້ປະຊາຊົນສາມາດເຂົ້າເຖິງ ແລະ ນໍາໃຊ້ໄອຊີທີຢ່າງທົ່ວເຖິງ, ຫັນໄອຊີທີໃຫ້ເປັນເຄື່ອງມື ໃນການຂັບເຂື່ອນອຸດສະຫະກໍາທັນສະ ໄໝ, ປະກອບສ່ວນເຂົ້າໃນການ ພັດທະນາເສດຖະກິດ-ສັງຄົມ, ເຊື່ອມໂຍງ ພາກພຶ້ນ ແລະ ສາກົນ. ໄດ້ນໍາໃຊ້ ໄອຊີທີ ໃນການປະກອບສ່ວນ ເພື່ອຫັນປ່ຽນ ສປປ ລາວ ຈາກປະເທດ Land-Lock ເປັນ Land-Link ໝາຍຄວາມວ່າ ສ້າງ ປະເທດລາວ ໃຫ້ກາຍເປັນສູນກາງເຊື່ອມຕໍ່ດ້ານໄອຊີທີ ໃນຂົງເຂດອາຊຽນ ແລະ ຈີນ. ຊຶ່ງໃນປັດຈຸບັນນີ້ ສປປລາວ ກໍາລັງເລັ່ງປັບປຸງບັນດາ ນິຕິກໍາ ແລະ ໂຄງລ່າງພື້ນຖານ ໃນການຮອງຮັບການພັດທະນາ ເຕັກໂນໂລຊີ ເສດຖະກິດດິຈິຕອນ ເປັນຕົ້ນແມ່ນ ການຄ້າທາງເອເລັກໂຕນິກ (E-commerce), ຄວາມປອດໄພທາງອິນເຕີເນັດ (Cyber Security), ການປ້ອງກັນຂໍ້ມູນສ່ວນບຸກຄົນ (Data Protection) ແລະ ອື່ນໆ. ສປປ ລາວ ພ້ອມທີ່ຈະຮ່ວມມືກັບບັນດາ ປະເທດສະມາຊິກ ອາຊຽນ ໃນການພັດທະນາ ຄວາມຮູ້ຄວາມສາມາດຂອງ ບຸກຄະລາກອນ, ແລະ ສ້າງພື້ນຖານໂຄງລ່າງ ໄອຊີທີ ທີ່ມີຄຸນນະພາບ, ປອດໄພ ແລະ ມີຄວາມຍືນຍົງ ເພື່ອສະໜັບສະໜູນ ແລະ ບຸກທະລຸ ບັນດາເປົ້າໝາຍຂອງ ປະຊາຄົມອາຊຽນ ແລະ ເພື່ອບັນລຸແຜນແມ່ບົດໄອຊີທີ 2020.