ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 82
  • ມື້ວານ1,703
  • ອາທິດນີ້7,111
  • ອາທິດກ່ອນ6,393
  • ເດືອນນີ້18,072
  • ເດືອນກ່ອນ33,258
  • ທັງໝົດ334,162
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ກອງປະຊຸມວຽກງານໄປສະນີ, ໂທລະຄົມມະນາຄົມ ແລະ ການສື່ສານ ປີ 2015, 2016 ແລະ ກອງປະຊຸມວຽກງານ ໄອຊີທີ ປີ 2016

ໃນຕອນເຊົ້າຂອງວັນທີ 13 ທັນວາ 2016, ກະຊວງໄປສະນີ, ໂທລະຄົມມະນາຄົມ ແລະການສື່ສານ (ປທສ) ໄດ້ຈັດກອງປະຊຸມວຽກງານໄປສະນີ, ໂທລະຄົມມະນາຄົມ ແລະການສື່ສານ ປີ 2015, 2016 ແລະກອງປະຊຸມວຽກງານ ໄອຊີທີ ປີ 2016 ຂື້ນ, ທີ່ຫໍປະຊຸມແຫ່ງຊາດ ພາຍໃຕ້ຄຳຂັວນທີ່ວ່າ: “ ຮ່ວມສ້າງສັງຄົມສີວິໄລ ດ້ວຍການເລືອກໃຊ້ໄອຊີທີປອດໄພ ແລະເປັນປະໂຫຍດ ’’ ຊຶ່ງກອງປະຊຸມໄດ້ດໍາເນີນໄປເປັນເວລາ 3 ວັນ ລະຫວ່າງວັນທີ 13-15 ທັນວາ 2016, ໂດຍການເປັນປະທານຂອງ ທ່ານ ປອ ທັນສະໄໝ ກົມມະສິດ, ກຳມະການສູນກາງພັກ, ລັດຖະມົນຕີກະຊວງ ປທສ, ມີບັນດາທ່ານລັດຖະມົນຕີ, ຮອງລັດຖະມົນຕີ, ຜູ້ຕາງໜ້າຈາກບັນດາ ປທສ ແຂວງ, ບັນດາບໍລິສັດ ແລະພະນັກງານອອ້ມຂ້າງກະຊວງ ພ້ອມດ້ວຍແຂກທີ່ຖືກເຊີນເຂົ້າຮ່ວມຫຼາຍກວ່າ 450 ທ່ານ.

ໃນກອງປະຊຸມແມ່ນໄດ້ກໍານົດອອກເປັນ 2 ພາກຄື: ກອງປະຊຸມວຽກງານໄປສະນີ, ໂທລະຄົມມະນາຄົມ ແລະ ການສື່ສານ ປະຈຳປີ 2015, 2016, ທິດທາງແຜນການສົກປີ 2017 ແລະກອງປະຊຸມວຽກງານ ໄອຊີທີ ປີ 2016. ໃນກອງປະຊຸມປະຈໍາປີ 2015, 2016 ການປະຕິບັດໜ້າທີ່ການເມືອງຂອງຂະແໜງການໄປສະນີ, ໂທລະຄົມມະນາຄົມ ແລະການສື່ສານ ກໍ່ຄືກະຊວງໄດ້ໃຫ້ຄວາມສຳຄັນເປັນບູລິມະສິດທີ່ໜຶ່ງແກ່ວຽກງານການເມືອງ-ແນວຄິດ ເພາະມັນແມ່ນປັດໃຈຕັດສິນຜົນສຳເລັດຂອງການປະຕິບັດໜ້າທີ່ ພ້ອມນັ້ນ, ກະຊວງໄດ້ປັບປຸງນິຕິກຳອັນເກົ່າ ແລະ ສ້າງນິຕິກຳອັນໃໝ່ ໃນການຄຸ້ມຄອງມະຫາພາກ ເພື່ອໃຫ້ເໝາະສົມກັບສະພາບການຂະຫຍາຍໂຕທາງດ້ານ ໄອຊີທີ ໃນປະຈຸບັນ ແລະການພັດທະນາ, ຂະຫຍາຍພື້ນຖານໂຄງລ່າງເຕັກນິກລະບົບ ໄອຊີທີໃນຄຸ້ມຄອງລວມສູນລະບົບສື່ສານທາງດ້ານເຕັກໂນໂລຊີການສື່ສານ ແລະ ຂໍ້ມູນຂ່າວສານ ຜ່ານປະຕູດຽວ, ການຄຸ້ມຄອງການນຳໃຊ້ສັງຄົມອອນລາຍ (ຫຼື social media ), ການຕ້ານ ແລະ ສະກັດກັ້ນການໂຈມຕີທາງໄຊເບີ, ການຄຸ້ມຄອງ ແລະ ຈັດສັນຄື້ນຄວາມຖີ່ໃນຂອບເຂດທົ່ວປະເທດ, ການຄຸ້ມຄອງລະບົບສາຍສົ່ງດ້ານໂທລະຄົມມະນາຄົມ (ສາຍໄຍແກ້ວ), ການດຳເນີນທຸລະກິດດາວທຽມລາວ, ສ້າງສະພາບແວດລ້ອມທີ່ຈູງໃຈຕໍ່ການລົງທຶນ ໃຫ້ບໍລິການດ້ານໄອຊີທີ, ຊຸກຍູ້ບັນດາບໍລິສັດໃຫ້ເສຍພັນທະປະກອບສ່ວນໃນການພັດທະນາປະເທດຊາດ, ສົ່ງເສີມໃຫ້ປະຕິບັດຕາມນະໂຍບາຍຂອງລັດຖະບານ ໃນການຂະຫຍາຍເຄືອຂ່າຍຂອງຕົນສູ່ເຂດຊົນນະບົດໃນຂອບເຂດທົ່ວປະເທດ, ການສ້າງບຸກຄະລາກອນໃຫ້ມີຄວາມສາມາດນຳໃຊ້ອຸປະກອນ ໄອທີ ຢ່າງເປັນລະບົບ ແລະ ຕໍ່ເນື່ອງ.

ໃນກອງປະຊຸມວຽກງານ ໄອຊີທີ ປີ 2016 ໄດ້ປຶກສາຫາລື ແລກປ່ຽນຄວາມຄິດຄວາມເຫັນ ກ່ຽວກັບສະພາບ ການພັດທະນາ, ການຄຸ້ມຄອງ ແລະ ການນຳໃຊ້ ໄອຊີທີ ເຂົ້າໃນການພັດທະນາເສດຖະກິດ-ສັງຄົມເວົ້າລວມ, ເວົ້າສະເພາະກໍ່ແມ່ນ ການນຳໃຊ້ ໄອຊີທີເຂົ້າໃນການບໍລິການ, ການບໍລິຫານລັດ ແລະ ການດຳລົງຊີວິດຂອງປະຊາຊົນ ໃນປະຈຸບັນ. ພ້ອມດຽວກັນນັ້ນ, ຜູ້ຕາງໜ້າຈາກຫຼາຍພາກສ່ວນ ທັງພາກລັດ ແລະ ເອກະຊົນ ໄດ້ສະເໜີບົດກ່ຽວກັບສະພາບການພັດທະນາ, ການຄຸ້ມຄອງ, ການນຳໃຊ້ ໄອຊີທີ ໃນຂົງເຂດຂອງຕົນ, ຂໍ້ສະດວກ - ຂໍ້ຫຍຸ້ງຍາກຕ່າງໆໃນການນໍາໃຊ້ ແລະ ດໍາເນີນທຸລະກິດດ້ານໄອຊີທີ. ນອກນັ້ນ, ກອງປະຊຸມກໍ່ເປີດໂອກາດໃຫ້ຜູ້ເຂົ້າຮ່ວມມີສ່ວນຮ່ວມໃນການປະກອບຄວາມຄິດເຫັນ ເພື່ອໃຫ້ການພັດທະນາຂະແໜງການ ໄອຊີທີ ຂອງ ສປປ ລາວ ໃຫ້ເຕີບໃຫຍ່ຂະຫຍາຍໂຕ ຢ່າງໜັກແໜ້ນເຂັ້ມແຂງ ແລະຢືນຍົງຕາມທິດຄຸ້ມຄອງລວມສູນຂອງລັດຖະບານ ສະໜັບສະໜູນ, ສົ່ງເສີມບັນດາຂະ ແໜງການຕ່າງໆນໍາໃຊ້ເຕັກໂນໂລຊີສື່ສານຂໍ້ມູນຂ່າວສານເປັນເຄື່ອງມືບໍລິຫານ ແລະ ຄຸ້ມຄອງຂະແໜງການຂອງຕົນຢ່າງມີປະສິດທິຜົນ, ກ້າວໄປສູ່ການຫັນເປັນອຸດສາຫະກຳທີ່ທັນສະໄໝ, ເຊື່ອມໂຍງເຂົ້າກັບລະບົບເຄືອຂ່າຍຂໍ້ມູນ-ຂ່າວສານ ໃນພາກພື້ນ ແລະໃນໂລກໄດ້ຢ່າງສະດວກປອດໄພ, ປະກອບສ່ວນເຂົ້າໃນການພັດທະນາຊັບພະຍາກອນມະນຸດ, ພັດທະນາເສດຖະກິດ-ສັງຄົມຂອງຊາດ ຍົກລະດັບຊີວິດການເປັນຢູ່ຂອງປະຊາຊົນບັນດາເຜົ່າໃຫ້ດີຂື້ນ.