ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 754
  • ມື້ວານ1,091
  • ອາທິດນີ້3,471
  • ອາທິດກ່ອນ15,474
  • ເດືອນນີ້32,592
  • ເດືອນກ່ອນ33,385
  • ທັງໝົດ271,444
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ກອງປະຊຸມເຜີຍແຜ່ຜົນສໍາເລັດການເປັນປະທານອາຊຽນຂອງ ສປປ ລາວ ໃນປີ 2016 ແລະ ລະນຶກວັນການທູດລາວ ຄົບຮອບ 71 ປີ.

ໃໃນວັນທີ 12 ມັງກອນ 2017, ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດກອງປະຊຸມສໍາມະນາ ກ່ຽວກັບຜົນສໍາເລັດ ການເປັນປະທານອາຊຽນຂອງ ສປປ ລາວ ໃນປີ 2016 ແລະ ການທູດຂອງ ສປປ ລາວຄົບຮອບ 71 ປີ. ໃຫ້ກຽດຂຶ້ນບັນຍາຍຂອງ ທ່ານ ອາລຸນແກ້ວ ກິດຕິຄຸນ, ລັດຖະມົນຕີປະຈໍາສໍານັກງານນາຍົກ ລັດຖະມົນຕີ ຮັບຜິດຊອບຊ່ວຍ ທ່ານ ນາຍົກລັດຖະມົນຕີ ໃນວຽກງານການຕ່າງປະເທດ, ໂດຍການເຂົ້າຮ່ວມຂອງ ທ່ານ ທອງໃສ ຊານໄຊຍະ, ຮອງເລຂາພັກກະຊວງ, ຮອງລັດຖະມົນຕີ ກະຊວງ ປທສ, ມີບັນດາຄະນະກົມ/ທຽບເທົ່າ, ຄະນະອໍານວຍການ ພ້ອມດ້ວຍພະນັກງານອ້ອມຂ້າງກະຊວງເຂົ້າຮ່ວມ 200 ກວ່າຄົນ.

ທ່ານ ລັດຖະມົນຕີ ອາລຸນແກ້ວ ກິດຕິຄຸນ ໄດ້ອະທິບາຍໃຫ້ເຫັນຜົນສໍາເລັດຂອງການເປັນປະທານອາຊຽນຂອງ ສປປ ລາວຕະຫຼອດໄລຍະ 2016 ຊຶ່ງ ສປປ ລາວ ເຮົາໄດ້ເປັນເຈົ້າພາບ ແລະ ເປັນປະທານ ຫຼາຍກວ່າ 80 ກອງປະຊຸມ ນັບຕັ້ງແຕ່ລະດັບປາມຸກລັດ ລົງມາຮອດຂັ້ນວິຊາການ. ພ້ອມນີ້, ທ່ານກໍຍົກໃຫ້ເຫັນ ຄວາມສໍາຄັນຂອງການຈັດຕັ້ງປະຕິບັດ 08 ຂົງເຂດບູລິມະສິດ ສໍາລັບການເປັນປະທານຂອງ ສປປ ລາວ ໂດຍສະເພາະ, ຜົນຂອງກອງປະຊຸມສຸດຍອດອາຊຽນຄັ້ງທີ 28 ແລະ 29 ແລະ ກອງປະຊຸມສຸດຍອດອຶ່ນໆ ທີ່ກ່ຽວຂ້ອງ ທີ່ຈັດຂຶ້ນໃນຕົ້ນເດືອນ ກັນຍາ 2016 ຜ່ານມານີ້ ທີ່ ນະຄອນຫຼວງວຽງຈັນ ສາມາດຮັບຮອງເອົາເອກະສານ 57 ສະບັບ ອັນເປັນເອກະສານ ພື້ນຖານສໍາຄັນ ສໍາລັບການຮັດແໜ້ນປະຊາຄົມອາຊຽນໃນຕໍ່ໜ້າ.

ນອກນັ້ນ, ທ່ານ ລັດຖະມົນຕີ ອາລຸນແກ້ວ ກິດຕິຄຸນ ຍັງໄດ້ຍົກໃຫ້ເຫັນບົດບາດການທູດຂອງ ສປປ ລາວ ໃນເວທີສາກົນໃນໂອກາດ ຄົບຮອບ 71 ປີ ໂດຍສະເພາະ ການເຕີບໃຫຍ່ຂະຫຍາຍຕົວຂອງທູດລາວ ພາຍໃຕ້ການນໍາພາຂອງພັກປະຊາຊົນປະຕິວັດລາວ ຊຶ່ງໄດ້ປະກອບສ່ວນເຂົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດ.

ໃນຕອນທ້າຍ, ທ່ານ ລັດຖະມົນຕີ ອາລຸນແກ້ວ ກິດຕິຄຸນ ໄດ້ເນັ້ນຢ້ໍາວ່າ: ສະພາບການພາກພື້ນ ແລະ ສາກົນ ຍັງສືບຕໍ່ຜັນແປ ເຊັ່ນ: ການຖອນຕົວອອກຈາກສະຫະພາບເອີລົບຂອງອັງກິດ, ການປ່ຽນແປງຜູ້ນໍາໃໝ່ຂອງຫຼາຍປະເທດ ລວມທັງສະຫະລັດ ອາເມຣິກາ, ຄວາມຂັດແຍ້ງຢູ່ຕາເວັນອອກກາງ ແລະ ສະພາບການຢູ່ພາກພື້ນອຶ່ນໆຂອງໂລກ, ອາ ຊຽນ ຄວນສືບຕໍ່ຍຶດໝັ້ນບັນດາຫຼັກການພື້ນຖານຂອງຕົນ ໃນການສົ່ງເສີມປະຊາຄົມອາຊຽນໃຫ້ເຂັ້ມແຂງໃນຕໍ່ໜ້າໂດຍເນັ້ນໃສ່ ການເຊື່ອມໂຍງດ້ານເສດຖະກິດໃຫ້ເລິກເຊິ່ງ ແລະ ກວ້າງຂວາງ ຄຽງຄູ່ກັບການຮັກສາບົດບາດຄວາມເປັນແກນກາງຂອງອາຊຽນ ໃນການຮ່ວມມືກັບພາຍນອກ ແລະ ໃນໂຄງສ້າງພາກພື້ນທີ່ພວມຜັນແປ. ສໍາລັບ ສປປ ລາວພວກເຮົາ ກໍ່ຈະສຶບຕໍ່ຍຶດໝັ້ນນະໂຍບາຍການຕ່າງປະເທດ ຢ່າງສະເໝີຕົ້ນ ສະເໝີປາຍ ຄື: “ສັນຕິພາບ, ເອກະລາດ, ມິດຕະພາບ ແລະ ການຮ່ວມມື” ໃນການຮ່ວມມືກັບພາຍນອກ.