ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 707
  • ມື້ວານ2,227
  • ອາທິດນີ້4,421
  • ອາທິດກ່ອນ6,630
  • ເດືອນນີ້25,738
  • ເດືອນກ່ອນ31,045
  • ທັງໝົດ200,445
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ພິທີປິດ ຊຸດຝຶກອົບຮົມ ທິດສະດີການເມືອງ ແລະ ການປົກຄອງ ໄລຍະສັ້ນ 45 ວັນ ຊຸດທີ II ຂອງ ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ.

ໃນຕອນເຊົ້າຂອງວັນທີ 14 ຕຸລາ 2016 ທີ່ສະຖາບັນໄປສະນີ, ໂທລະຄົມມະນາຄົມ ແລະ ການສື່ສານ ໄດ້ມີພິທີ ປີດຊຸດຝຶກອົບຮົມ ທິດສະດີການເມືອງ ແລະ ການປົກຄອງ ໄລຍະສັ້ນ 45 ວັນ ຊຸດທີ II ຂອງກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ກະຊວງ ປທສ) ໂດຍການເປັນປະທານຂອງ ທ່ານ ທອງໃສ ຊານໄຊຍະ ຮອງເລຂາຄະນະພັກ, ຮອງລັດຖະມົນຕີ ກະຊວງ ປທສ ແລະ ທ່ານ ຮສ. ສະໝຸດທອງ ສົມພານິດ ຄະນະພັກ, ຮອງຫົວໜ້າ ສະຖາບັນການເມືອງ ແລະ ການປົກຄອງ ແຫ່ງຊາດ (ສມປຊ) ເປັນກຽດມອບໃບຢັ້ງຢືນການຝຶກອົບຮົມ ທິດສະດີການເມືອງ - ການປົກຄອງໃນຄັ້ງນີ້, ມີບັນດາທ່ານຫົວໜ້າກົມ/ທຽບເທົ່າ, ຄະນະພັກຮາກຖານ ບໍລິສັດ ລັດວິສາຫະກິດ ອ້ອມຂ້າງກະຊວງ ແລະ ນັກຝຶກອົບຮົມ 52 ສະຫາຍ ພ້ອມດ້ວຍແຂກທີ່ຖືກເຊີນເຂົ້າຮ່ວມ. ຊື່ງຊຸດຝຶກອົບຮົມ ທິດສະດີການເມືອງ ແລະ ການປົກຄອງ ແມ່ນໄດ້ດໍາເນີນມາແຕ່ວັນທີ 08/08/2016 ຈົນເຖິງ 14/10/2016 ຈຶ່ງສໍາເລັດ.

ການຝຶກອົບຮົມ ທິດສະດີການເມືອງ ແລະ ການປົກຄອງໃນຄັ້ງນີ້ ປະກອບມີບົດຮຽນທັງໝົດ 5 ພາກ ແລະ 39 ບົດ ແນ່ໃສ່ຄວາມຈໍາເປັນພາວະວິໃສ ສໍາລັບພະນັກງານນໍາພາ - ຄຸ້ມຄອງ, ສືບທອດ ກໍ່ຄືພະນັກງານສະມາຊິກພັກຂອງພວກເຮົາ ທີ່ຈະຕ້ອງໄດ້ເອົາໃຈໃສ່ຄົ້ນຄວ້າຮໍ່າຮຽນໃຫ້ມີຄວາມຮັບຮູ້ເຂົ້າໃຈຢ່າງເລິກເຊິ່ງກ່ຽວກັບປັດສະຍາ, ເສດຖະກິດການເມືອງ, ລັດທິສັງຄົມນິີຍົມ, ບໍລິຫານສາດ ແລະ ກໍ່ສ້າງພັກ ເພື່ອນໍາເອົາບົດຮຽນດັ່ງກ່າວໄປໝູນໃຊ້ເຂົ້າໃນວຽກງານຕົວຈິງ ເພື່ອເຮັດໃຫ້ວຽກງານປະສົບຜົນສໍາເລັດດ້ວຍຄຸນນະພາບສູງ ແນ່ໃສ່ສ້າງພະນັກງານທີ່ມີຄຸນນະພາບດ້ານການນໍາພາ, ດ້ານຄວາມສາມາດ, ປະສົບການດ້ານວິຊາສະເພາະໃຫ້ແທດເໝາະກັບວຽກງານ ICT ໃນໄລຍະໃໝ່.

ໃນຕອນທ້າຍ ທ່ານ ທອງໃສ ຊານໄຊຍະ ຮອງເລຂາຄະນະພັກ, ຮອງລັດຖະມົນຕີ ກະຊວງ ປທສ ໄດ້ເນັ້ນໜັກກ່ຽວກັບບາງວຽກງານສໍາຄັນ ກໍ່ຄື: ວຽກງານພັດທະນາຊັບພະຍາກອນມະນຸດ, ແນ່ໃສ່ຍົກສູງຄວາມສາມາດນໍາພາ ແລະ ລັກສະນະນໍາຂອງພັກ ໃນເງື່ອນໄຂໃໝ່ ພັກເຮົາຍິ່ງມີຄວາມຈໍາເປັນພາວະວິໄສທີ່ຕ້ອງມີຖັນແຖວພະນັກງານທີ່ມີຄວາມຮູ້, ມີຄວາມສາມາດ, ມີຄຸນສົມບັດສິນທໍາປະຕິວັດ, ມີທາດແທ້ຫຼັກໝັ້ນ, ຄວາມຈົງຮັກພັກດີຕໍ່ປະເທດຊາດ, ຕໍ່ພາລະກິດປະຕິວັດຂອງພັກ, ມີແບບແຜນການດໍາລົງຊີວິດທີ່ປອດໃສ, ມີສະຕິຕໍ່ການຈັດຕັ້ງລະບຽບວິໃນ, ເຄົາລົບ ແລະ ປະຕິບັດລະບຽບຂອງພັກ-ກົດໝາຍຂອງລັດຢ່າງເຂັ້ມງວດ, ເພີ່ມທະວີມະຫາສາມະຄີທົ່ວປວງຊົນ, ຍຶດໝັ້ນແນວທາງປ່ຽນແປງໃໝ່ຮອບດ້ານ ແລະ ມີຫຼັກການປົກປັກຮັກສາພັດທະນາປະເທດຊາດ ຕາມທິດຢືນຍົງສູ່ຈຸດໝາຍສັງຄົມນິຍົມຢ່າງໜັກແໜ້ນ.