ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 68
  • ມື້ວານ1,703
  • ອາທິດນີ້7,097
  • ອາທິດກ່ອນ6,393
  • ເດືອນນີ້18,058
  • ເດືອນກ່ອນ33,258
  • ທັງໝົດ334,148
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ກອງປະຊຸມເປີດກວ້າງ ປະກອບຄໍາເຫັນໃສ່ຮ່າງດໍາລັດ ວ່າດ້ວຍການສື່ສານຜ່ານດາວທຽມ.

ໃນລະຫວ່າງວັນທີ 24-25 ມັງກອນ 2017 ນີ້, ກົມໂທລະຄົມມະນາຄົມ, ກະຊວງ ໄປສະນີ, ໂທລະຄົມມະນາ ຄົມ ແລະ ການສື່ສານ (ປທສ) ໄດ້ຈັດກອງປະຊຸມເປີດກວ້າງ ປະກອບຄໍາເຫັນໃສ່ຮ່າງດໍາລັດ ວ່າດ້ວຍການສື່ສານຜ່ານດາວທຽມຂຶ້ນ, ທີ່ ສະຖາບັນ ໄປສະນີ, ໂທລະຄົມມະນາຄົມ ແລະ ການສື່ສານ, ນະຄອນຫຼວງວຽງຈັນ. ໃຫ້ກຽດກ່າວເປີດພິທີໂດຍ ທ່ານ ບຸນສະເຫຼີມໄຊ ເຄນນາວົງ ຮອງລັດຖະມົນຕີກະຊວງ ປທສ, ມີບັນດາທ່ານຂອງອົງການຈັດຕັ້ງລັດ, ບໍລິສັດໂທລະຄົມມະນາຄົມທີ່ກ່ຽວຂ້ອງ ພ້ອມດ້ວຍແຂກທີ່ຖືກເຊີນເຂົ້າຮ່ວມຫຼາຍກວ່າ 40 ທ່ານ.

ຈຸດປະສົງຂອງກອງປະຊຸມຄັ້ງນີ້ແມ່ນເພື່ອຄົ້ນຄວ້າ ແລະປະກອບຄໍາເຫັນໃສ່ຮ່າງດໍາລັດ ວ່າດ້ວຍການສື່ສານຜ່ານດາວທຽມ ໃຫ້ຖືກຕ້ອງຕາມຂັ້ນຕອນການສ້າງຮ່າງນິຕິກໍາຂອງກົດໝາຍວ່າດ້ວຍ ການສ້າງນິຕິກໍາ ໃຫ້ສອດຄ່ອງກັບພື້ນ ຖານທາງດ້ານເຕັກນິກວິຊາການ. ຊຶ່ງເນື້ອໃນທັງໝົດຂອງຮ່າງດໍາລັດສະບັບນີ້ ປະກອບດ້ວຍ 11 ພາກ, 8 ໝວດ, 64 ມາດຕາ ສ່ວນເນື້ອໃນລາຍລະອຽດແມ່ນ ລົງເລິກກ່ຽວກັບການຄຸ້ມຄອງ, ການອອກອະນຸຍາດນໍາໃຊ້ຄື້ນຄວາມຖີ່ສື່ສານຜ່ານດາວທຽມ ແລະ ອຶ່ນໆ, ພາຍຫຼັງທີ່ ໂຄງການດາວທຽມລາວ LaoSat-1 ໄດ້ສໍາເລັດການປ່ອຍດາວທຽມຂຶ້ນສູ່ວົງໂຄຈອນ ໃນວັນທີ 21 ພະຈິກ 2015 ຜ່ານມານີ້, ຊຶ່ງເປັນດາວທຽມດວງທໍາອິດໃນປະຫວັດສາດຂອງ ສປປ ລາວ ຈຶ່ງເຮັດໃຫ້ ສປປ ລາວເຮົາມີບົດບາດ ແລະສ່ວນແບ່ງການຕະຫຼາດຈາກຫຼາຍປະເທດທີ່ມີສັນຍານດາວທຽມຄວບຄຸມ ຕໍ່ກັບສະພາບການດັ່ງກ່າວ ເຮົາຈຶ່ງຕ້ອງໄດ້ສ້າງນິຕິກໍານີ້ຂຶ້ນມາ ເພື່ອເປັນບ່ອນອີງໃນການຄຸ້ມຄອງ, ນໍາໃຊ້ ແລະສົ່ງເສີມການສື່ສານຜ່ານດາວທຽມຂອງລາວໃຫ້ມີປະສິດທິພາບ ແລະປະສິດທິຜົນສູງສຸດ. ໃນໄລຍະຜ່ານມາ ລັດຖະບານກໍ່ຄື ກະຊວງ ປທສ ໄດ້ອອກຂໍ້ກໍານົດ,ກົດລະບຽບຈໍານວນໜຶ່ງເພື່ອບໍລິຫານ ແລະຄຸ້ມຄອງວຽກງານດັ່ງກ່າວ ຊຶ່ງມາຮອດປັດຈຸບັນນີ້ເຫັນວ່າ ສ່ວນຫຼາຍຍັງບໍ່ຄົບຖ້ວນ ແລະບໍ່ສອດຄ່ອງກັບສະພາບຕົວຈິງຂອງປະເທດ ແລະສາກົນ, ໂດຍສະເພາະ ໃນຍຸກປັດຈຸບັນ ເຕັກໂນໂລຊີສື່ສານ ແລະ ຂໍ້ມູນຂ່າວສານ (ໄອຊີທີ) ມີການຂະຫຍາຍຕົວໄວ ແລະຄວາມຕ້ອງການນໍາໃຊ້ການສື່ສານນັບມື້ເພີ່ມຂຶ້ນ. ການສື່ສານຜ່ານດາວທຽມ ກໍ່ແມ່ນເຕັກໂນໂລຊີໜຶ່ງທີ່ທັນສະໄໝ ແລະມີບົດບາດສໍາຄັນໃນການຕອບສະໜອງໃຫ້ແກ່ການຂະຫຍາຍຕົວດັ່ງກ່າວ ເປັນຕົ້ນແມ່ນ ການສື່ສານເຄື່ອນທີ່ຜ່ານດາວທຽມ, ວິທະຍຸກະຈາຍສຽງ, ໂທລະພາບຜ່ານດາວທຽມ, ການສື່ສານສໍາຫຼວດ ແລະການຄົ້ນຫາຕໍາແໜ່ງຜ່ານດາວທຽມ ບໍ່ວ່າຈະຢູ່ພາຍໃນປະເທດ, ລະດັບພາກພື້ນ ແລະສາກົນຈຶ່ງມີຄວາມສໍາຄັນຫຼາຍ.

ດັ່ງນັ້ນ, ເພື່ອເຮັດໃຫ້ການຄຸ້ມຄອງ ແລະການນໍາໃຊ້ການສື່ສານຜ່ານດາວທຽມ ໃຫ້ສອດຄ່ອງກັບແຜນພັດທະນາເສດຖະກິດ-ສັງຄົມແຫ່ງຊາດ, ແຜນນະໂຍບາຍຂອງພັກ ແລະລັດຖະບານ ໃນການພັດທະນາ, ປົກປັກຮັກສາຄວາມສະຫງົບ, ຄວາມປອດໄພຂອງຊາດ ແລະ ການກະກຽມຄວາມພ້ອມໃຫ້ແກ່ການເປີດປະຕູສູ່ສາກົນ. ສະນັ້ນ, ຈຶ່ງມີຄວາມຈໍາເປັນຕ້ອງໄດ້ສ້າງດໍາລັດ ວ່າດ້ວຍການສື່ສານຜ່ານດາວທຽມ ນີ້ຂຶ້ນ.

ໂດຍ: ກົມໄປສະນີໂທລະຄົມມະນາຄົມ.