ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 661
  • ມື້ວານ1,139
  • ອາທິດນີ້5,198
  • ອາທິດກ່ອນ8,573
  • ເດືອນນີ້24,887
  • ເດືອນກ່ອນ29,097
  • ທັງໝົດ168,549
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ກອງປະຊຸມເຜີຍແຜ່ສະເຫຼີມສະຫຼອງວັນສ້າງຕັ້ງ ອົງການກຳມະບານລາວ ຄົບຮອບ 61 ປີ

ໃນຕອນເຊົ້າ ຂອງວັນທີ 3 ກຸມພາ 2017 ນີ້, ຄະນະບໍລິຫານງານສະຫະພັນກຳມະບານ ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດກອງປະຊຸມເຜີຍແຜ່ ຫວນຄືນມູນເຊື້ອວັນສ້າງຕັ້ງອົງການກຳມະບານລາວ ຄົບຮອບ 61 ປີ ( 1 ກຸມພາ 1956 ຫາ 1 ກຸມພາ 2017 ) ຂຶ້ນ,ທີ່ຫ້ອງປະຊຸມໃຫຍ່ ກະຊວງ ປທສ. ເປັນກຽດເຜີຍແຜ່ເອກະສານໂດຍ ທ່ານ ວັນນາ ດວງພະຈັນ ຄະນະພັກ, ຮອງປະທານສູນກາງສະຫະພັນກຳມະບານລາວ, ມີການເຂົ້າຮ່ວມຂອງ ທ່ານ ທອງໃສ ຊານໄຊຍະ ຮອງເລຂາຄະນະພັກກະຊວງ, ຮອງລັດຖະມົນຕີກະຊວງ ປທສ, ພ້ອມດ້ວຍຄະນະບໍລິຫານງານສະຫະພັນກຳມະບານ ກະຊວງ ປທສ, ຄະນະກຳມະບານຮາກຖານ ບັນດາກົມ/ທຽບເທົ່າ ແລະ ສະມາຊິກກຳມະບານ ອ້ອມຂ້າງກະຊວງ ປທສ.

ໃນການຈັດກອງປະຊຸມຄັ້ງນີ້ ໄດ້ຍົກໃຫ້ເຫັນເຖິງປະຫວັດຄວາມເປັນມາ, ການກໍາເນີດ ແລະ ເຕີບໃຫຍ່ຂະຫຍາຍຕົວ ຂອງອົງການກໍາມະບານລາວ ໃນແຕ່ລະໄລຍະ, ບັນດາຜົນງານການຈັດຕັ້ງປະຕິບັດ ແລະ ການເຄື່ອນໄຫວປະກອບສ່ວນ ໃນພາລະກິດປະຕິວັດຕະຫລອດໄລຍະ 61 ປີ ໄດ້ມີບົດບາດໃນການເປັນຕົວແທນ ແຫ່ງສິດຜົນປະໂຫຍດຂອງກໍາມະບານ ແລະ ຊາວຜູ້ອອກແຮງງານ, ສຶກສາອົບຮົມສະມາຊິກກໍາມະບານ, ກໍາມະກອນຊາວຜູ້ອອກແຮງງານ ໃຫ້ເປັນພົນລະເມືອງດີ, ມີລະບຽບແບບແຜນໃນການອອກແຮງງານ ແລະ ຕື່ນຕົວທາງດ້ານການເມືອງແນວຄິດ, ມີຄວາມຮູ້ຄວາມສາມາດທາງດ້ານເຕັກໂນໂລຊີສື່ສານຂໍ້ມູນຂ່າວສານ ແລະ ຮູ້ນຳໃຊ້ສື່ສັງຄົມອອນໄລ (online) ອັນທີ່ເປັນປະໂຫຍດ ແລະ ຈຳແນກໄດ້ສິ່ງທີ່ເປັນອັນຕະລາຍ ຕໍ່ສັງຄົມໃນປະຈຸບັນ. ນອກນີ້, ທ່ານ ຍັງໄດ້ສະເໜີກ່ຽວກັບເນື້ອໃນຕົ້ນຕໍຂອງກອງປະຊຸມໃຫຍ່ຜູ້ແທນ ທົ່ວປະເທດ ຄັ້ງທີ 2 ສະໄໝທີ VII ຂອງສະຫະພັນກຳມະບານລາວ ທີ່ຜ່ານມາ, ຊຶ່ງທ່ານໄດ້ເນັ້ນໜັກກ່ຽວກັບທິດທາງການເຄື່ອນໄຫວວຽກງານກຳມະບານລາວ ໃນ 5 ປີຕໍ່ໜ້າ, ແຜນຍຸດທະສາດພັດທະນາວຽກງານກຳມະບານລາວ ໄລຍະ 10 ປີ ແລະ ວິໄສທັດ ຂອງວຽກງານກຳມະບານ ແຕ່ນີ້ ຮອດປີ 2030, ໂດຍຕິດພັນກັບຂະບວນການແຂ່ງຂັນຮັກຊາດ ແລະ ພັດທະນາ.

ພ້ອມນີ້ທ່ານ ຍັງໄດ້ຍ້ອງຍໍຊົມເຊີຍຕໍ່ຜົນງານດີເດັ່ນຂອງສະຫະພັນກໍາມະບານ ກະຊວງ ປທສ ທີ່ຍາດມາໄດ້ ໃນໄລຍະຜ່ານມາ ເຊິ່ງໄດ້ເປັນຕົວແທນ ແລະ ເອົາໃຈໃສ່ໃນການປົກປ້ອງ ສິດ-ຜົນປະໂຫຍດອັນຊອບທໍາ ຂອງສະມາຊິກກໍາມະບານ, ກຳມະກອນໃນຂະແໜງໄປສະນີ, ໂທລະຄົມມະນາຄົມ ແລະ ການສື່ສານ ເປັນຕົ້ນ: ການປະຕິບັດນະໂຍບາຍ ເບິ່ງແຍງໃນເວລາເຈັບເປັນ, ເສຍຊີວິດໂດຍການນໍາໃຊ້ ກອງທຶນຊ່ວຍເຫລືອເຊິ່ງກັນ ແລະ ກັນ, ກອງທຶນ ອື່ນໆ ທີ່ສ້າງຕັ້ງຂຶ້ນ ໃນຂະແໜງການວຽກງານ ຊຶ່ງໃນຂະແໜງການນີ້ໄດ້ມີກຳມະກອນຊາວຜູ້ອອກແຮງງານເຊີ່ງລວມໄດ້ 2600ຄົນ; ຢູ່ລັດວິສາຫະກິດ 2150 ຄົນ ແລະ ຢູ່ລັດບໍລິຫານ 450 ຄົນ.

ໃນຕອນທ້າຍ ຂອງກອງປະຊຸມ ທ່ານໄດ້ມີຄຳເຫັນເນັ້ນໜັກໃຫ້ ສະຫະພັນກໍາມະບານ ກະຊວງ ປທສ ສືບຕໍ່ເອົາໃຈໃສ່ ປະຕິບັດ ຂໍ້ແຂ່ງຂັນຂອງກຳມະບານ ແລະ ຊີ້ນຳ-ນຳພາສະມາຊິກ ເຂົ້າຮ່ວມສ້າງຂະບວນການດັ່ງກ່າວຢ່າງພ້ອມພຽງສາມາດເຫັນໄດ້ກົມກອງ, ຮາກຖານດີເດັ່ນ ແລະ ສະມາຊິກທີ່ດີເດັ່ນ ເພື່ອປະຕິບັດນະໂຍບາຍຍ້ອງຍໍ-ຊົມເຊີຍ ແລະ ເປັນການປະກອບສ່ວນໃນຂະບວນການຮັກຊາດພັດທະນາ.

ໂດຍ: ຫ້ອງການ, ພະແນກປະຊາສໍາພັນ.