ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 64
  • ມື້ວານ1,703
  • ອາທິດນີ້7,093
  • ອາທິດກ່ອນ6,393
  • ເດືອນນີ້18,054
  • ເດືອນກ່ອນ33,258
  • ທັງໝົດ334,144
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ລາວ-ລັດເຊຍ ຈັດສໍາມະນາຄື້ນຄວາມຖີ່ຕາມລຽບຊາຍແດນ

\ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ກະຊວງ ປທສ), ຮ່ວມກັບ ກະຊວງ ໂທລະຄົມມະນາຄົມ ແລະ ສື່ສານມວນຊົນ ແຫ່ງ ສ. ຣັດເຊຍ ໄດ້ຈັດງານສຳມະນາ “ການປະສານງານຄື້ນຄວາມຖີ່ລຽບຕາມຊາຍແດນ” ຂຶ້ນໃນວັນທີ 13 ກຸມພາ 2016, ທີ່ ສະຖາບັນ ເຕັກໂນໂລຊີການສື່ສານຂໍ້ມູນຂ່າວສານ, ໂດຍການເປັນປະທານຮ່ວມຂອງທ່ານ ທັນສະໄໝ ກົມມະສິດ, ກໍາມະການ ສູນກາງພັກ, ລັດຖະມົນຕີ ກະຊວງ ປທສ ແລະ ທ່ານ ມິເຄອິວ ບາຣາໂນບ (H.E. Mikhail Baranov) ເອອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງສະຫະພັນ ຣັດເຊຍ ປະຈໍາ ສປປ ລາວ, ມີນັກສໍາມະນາກອນເຂົ້າຮ່ວມ.

ງານສຳມະນາໃນຄັ້ງນີ້ ແມ່ນການຖອດຖອນ ແລະ ການແລກປ່ຽນບົດຮຽນ ລະຫວ່າງ ກະຊວງ ໄປສະນີ ໂທລະຄົມມະນາຄົມ ແລະ ການສື່ສານ ແລະ ກະຊວງ ໂທລະຄົມມະນາຄົມ ແລະ ສື່ສານມວນຊົນ ແຫ່ງ ສ. ຣັດເຊຍ ກ່ຽວກັບວຽກງານ ຂອບການຮ່ວມມື ແລະ ປະສານງານຄື້ນຄວາມຖີ່ລຽບຕາມຊາຍແດນ, ສະຖານະພາບປະຈຸບັນດ້ານຄຶ້ນຄວາມຖີ່ ລຽບຕາມຊາຍແດນ, ການວາງແຜນຄຶ້ນຄວາມຖີ່ ເພື່ອຄຸ້ມຄອງຄື້ນຄວາມຖີ່ລຽບຕາມຊາຍແດນ ແລະ ບາງຫົວຂໍ້ອື່ນໆ ເພື່ອເຮັດແນວໃດ ໃຫ້ ການນໍາໃຊ້ ຄຶ້ນຄວາມຖີ່ ວິທະຍຸ ລຽບຕາມຊາຍແດນ ໄດ້ຮັບຜົນດີ, ເຂົ້າລະບຽບ ແລະ ຮັບປະກັນໄດ້ ວຽກງານ ປ້ອງກັນຊາດ ປ້ອງກັນຄວາມສະຫງົບ.

ການພັດທະນາ ຂະແໜງການໄອຊີທີ ຈະເປັນເຄື່ອງມືທີ່ສຳຄັນໃນການຊຸກຍູ້ ສົ່ງເສີມ ແລະຂັບເຄື່ອນຂະແໜງການຕ່າງໆ ໃນການພັດທະນາເສດຖະກິດ-ສັງຄົມ ໃຫ້ບັນລຸຕາມເປົ້າໝາຍໃນການນຳເອົາປະເທດຊາດຫລຸດພົ້ນຈາກສະຖານະພາບດ້ອຍພັດທະນາ ເວົ້າລວມ, ເວົ້າສະເພາະ ການຫຼຸດພົ້ນຈາກຄວາມທຸກຍາກຂອງປະຊາຊົນບັນດາເຜົ່າ ໃນປີ 2020 ຂອງລັດຖະບານ ສປປ ລາວ ກໍ່ຄືການສ້າງເງື່ອນໄຂສະພາບແວດລ້ອມທີ່ອຳນວຍຄວາມສະດວກ ໃຫ້ພາກທຸລະກິດ, ເສດຖະກິດ ແລະ ອຸດສາຫະກຳ ໂດຍໃຫ້ລັດເປັນຂົວຕໍ່ການເຊື່ອມໂຍງ ກັບ ພາກພື້ນ ແລະ ສາກົນ.

ໂດຍ: ຫ້ອງການ, ພະແນກປະຊາສໍາພັນ.