ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 889
  • ມື້ວານ1,703
  • ອາທິດນີ້7,918
  • ອາທິດກ່ອນ6,393
  • ເດືອນນີ້18,879
  • ເດືອນກ່ອນ33,258
  • ທັງໝົດ334,969
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ລັດຖະມົນຕີ ປທສ ຕ້ອນຮັບຄະນະຜູ້ແທນ ອົງການສື່ສານທາງອາວະກາດສາກົນ ອິນເຕີສະປຸດນິກ ເຂົ້າຢ້ຽມຂໍ່ານັບ

ທ່ານ ທັນສະໄໝ ກົມມະສິດ ລັດຖະມົນຕີກະຊວງ ໄປສະນີ, ໂທລະຄົມມະນາຄົມ ແລະ ການສື່່ສານ (ປທສ) ໄດ້ຕ້ອນຮັບ ທ່ານ Victor VESHCHUNOV ຕາງໜ້າຄະນະຜູ້ແທນ ຈາກອົງການສື່ສານທາງອາວະກາດສາກົນ ອິນເຕີສະປຸດນິກ (Intersputnik) ເຂົ້າຢ້ຽມຂໍ່ານັບ, ໃນຕອນສວຍຂອງວັນທີ 14 ກຸມພາ 2017 ນີ້, ທີ່ຫ້ອງຮັບແຂກ ຂອງກະຊວງ. ໃນໂອກາດດັ່ງກ່າວ ທ່ານ ທັນສະໄໝ ກົມມະສິດ ລັດຖະມົນຕີ ປທສ ໄດ້ສະແດງຄວາມຍິນດີຕ້ອນຮັບ, ຊົມເຊີຍ ພ້ອມທັງຕີລາຄາສູງຕໍ່ການຢ້ຽມຂໍານັບຂອງຄະນະຜູ້ແທນ ອົງການສື່ສານທາງອາວະກາດສາກົນ ອິນເຕີສະປຸດນິກ.

ໃນໂອການນີ້, ທ່ານ Victor VESHCHUNOV ຕາງໜ້າຄະນະຜູ້ແທນ ຈາກ ອົງການສື່ສານທາງອາວະກາດສາກົນ ອິນເຕີສະປຸດນິກ ໄດ້ຍົກໃຫ້ເຫັນວ່າ: ການເປັນສະມາຊິກກັບອົງການດັ່ງກ່າວ ເປັນຜົນດີຕໍ່ການພັດທະນາ ແລະ ການຂະຫຍາຍຕະຫຼາດ ຂອງດາວທຽມລາວ ໃນປັດຈຸບັນກໍ່ຄື ການດຳເນີນທຸລະກິດ ຂອງ LAOSAT-1. ນອກນີ້ ພວກເຮົາຍັງມີສິດໃນການຄຸ້ມຄອງບໍລິຫານອົງການ ໂດຍຜ່ານການອອກສຽງໃນກອງປະຊຸມສະພາບໍລິຫານ ຊຶ່ງຈັດຂຶ້ນທຸກໆ 04 ປີ, ນອກນັ້ນ, ຍັງສາມາດສ້າງ ແລະ ຂະຫຍາຍທຸລະກິດດາວທຽມຮ່ວມກັບບັນດາສະມາຊິກ ເປັນຕົ້ນໃນຂົງເຂດອາຊີຕາເວັນອອກສຽງໃຕ້ ແລະ ອັບຟຣິກາ, ໄດ້ຮັບສິດ ແລະ ລາຄາພິເສດໃນການນຳໃຊ້ດາວທຽມ ຂອງບັນດາສະມາຊິກ ເຊັ່ນ Eutelsat, SES, ABS, Express, ແລະ ໄດ້ຮັບການຊ່ວຍເຫຼືອ ໃນການຝຶກອົບຮົມດ້ານເຕັກນິກການສື່ສານດາວທຽມ, ການປະສານງານເຄືອຂ່າຍດາວທຽມ ແລະ ການສະໜັບສະໜູນຈາກອົງການ ເນື່ອງຈາກວ່າ ອົງການມີຄື້ນຄວາມຖີ່ວິທະຍຸສື່ສານ, ຕຳແໜ່ງວົງໂຄຈອນ, ເຕັກນິກທີ່ທັນສະໄໝ, ສາຍພົວພັນສາກົນທີ່ກ້ວາງຂວາງ ແລະ ມີປະສົບການກວ່າ 45 ປີ.

ພ້ອມດຽວກັນນີ້, ທັງສອງຝ່າຍ ໄດ້ປຶກສາຫາລືກ່ຽວກັບ ການຮັບຮອງກົດລະບຽບພາຍໃນ ຂອງອົງການດັ່ງກ່າວ ທີ່ມີຜົນບັງຄັບໃຊ້ແຕ່ປີ 2002 ເປັນຕົ້ນມາ ເພື່ອເຂົ້າຮ່ວມເຄື່ອນໄຫວນໍາອົງການນີ້ ນອກນັ້ນ, ຍັງໄດ້ປຶກສາຫາລືກ່ຽວກັບການພັດທະນາລະບົບສື່ສານຜ່ານດາວທຽມ ເປັນຕົ້ນແມ່ນ: ການຊ່ວຍໃຫ້ບໍລິສັດ ດາວທຽມລາວເອເຊຍ-ປາຊິຟິກ ຈໍາກັດ ສາມາດຂະຫຍາຍການຕະຫຼາດຂອງຕົນໄປຍັງບັນດາປະເທດສະມາຊິກ ຂອງອົງການອິນເຕີສະປຸດນິກ ໃນອະນາຄົດ, ການວາງແຜນການການປະສານງານເຄືອຂ່າຍດາວທຽມໃນຕໍ່ໜ້າ, ການຝຶກອົບຮົມໃຫ້ພະນັກ ງານລາວ ກັບບັນດາປະເທດສະມາຊິກ ແລະ ປະເທດອື່ນໆ ທີ່ ສປປ ລາວ ມີຄວາມສົນໃຈ.

ໂດຍ: ກົມໂທລະຄົມ.