ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 73
  • ມື້ວານ1,703
  • ອາທິດນີ້7,102
  • ອາທິດກ່ອນ6,393
  • ເດືອນນີ້18,063
  • ເດືອນກ່ອນ33,258
  • ທັງໝົດ334,153
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ຮອງລັດຖະມົນຕີ ປທສ ຊີ້ນໍາແຂວງ ຈໍາປາສັກໃນການພັດທະນາ ໄອຊີທີ ທີ່ທັນສະໄໝ.

ທ່ານ ທອງໃສ ຊານໄຊຍະ ຮອງລັດຖະມົນຕີ ກະຊວງ ປທສ ໄດ້ຊີ້ນໍາໃຫ້ພະແນກ ປທສແຂວງຈໍາປາສັກ ເອົາໃຈໃສ່ຊຸກຍູ້ ບັນດາຫົວໜ່ວຍບໍລິສັດ ລັດວິສາຫະກິດ ດ້ານໄປສະນີ, ໂທລະຄົມມະນາຄົມ ແລະ ການສື່ສານ ຂະຫຍາຍເຄື່ອຂ່າຍການບໍລິການໃຫ້ໄດ້ຢ່າງທົ່ວເຖິງ, ວ່ອງໄວ, ໝັ້ນຄົງ, ປອດໄພ ແລະ ຮັບປະກັນຄຸນນະພາບ. ກອງປະຊຸມການເຄື່ອນໄຫວວຽກງານໄປສະນີ, ໂທລະຄົມມະນາຄົມ ແລະ ການສື່ສານ ປະຈໍາສົກປີ 2015-2016 ແລະ ທິດທາງການເຄື່ອນໄຫວ ສົກປີ 2017 ຂອງພະແນກ ປທສ ແຂວງຈໍາປາສັກ ໄດ້ຈັດຂຶ້ນເມື່ອວັນທີ 15 ກຸມພາ ຜ່ານມານີ້, ທີ່ ຈໍາປາສັກ. ໂດຍມີ ທ່ານ ທອງໃສ ຊານໄຊຍະ ຮອງລັດຖະມົນຕີ ກະຊວງ ປທສ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

ກອງປະຊຸມໃນຄັ້ງ ນີ້ໄດ້ສະຫຼຸບຕີລາຄືນການຈັດຕັ້ງປະຕິບັດວຽກງານໃນ 1 ປີທີ່ຜ່ານມາ (2015-2016) ອັນພົ້ນເດັ່ນ ໃຫ້ເຫັນວ່າ: ການບໍລິການດ້ານໄປສະນີ ກວມ 97,6% ໃນທົ່ວແຂວງ, ລະບົບ 2G ກວມ 637 ບ້ານ, ລະບົບ 3G ກວມ 10 ຕົວເມືອງ ແລະ ລະບົບ 4G ສາມາດໃຊ້ໄດ້ໃນ 03 ຕົວເມືອງ (ເມືອງປາກເຊ, ໂພນທອງ ແລະ ປາກຊ່ອງ), ສາມາດຂຶ້ນທະບຽນເລກໝາຍໂທລະສັບຈໍາ ກວມ 52% ຂອງຈໍານວນຜູ້ຊົມໃຊ້, ສົ່ງສັນຍານໂທລະສັບມືຖື ກວມເອົາ 95% ຂອງຈໍານວນບ້ານ, ການນໍາໃຊ້ຄື້ນຄວາມຖີ່ວິທະຍຸສື່ສານ ທັງໝົດ 22 ຫົວໜ່ວຍ ແລະ ການນໍາໃຊ້ອິນເຕີເນັດ ກວມເອົາ 1,4 ຂອງຈໍານວນປະຊາກອນທົ່ວແຂວງ. ຄຽງຄູ່ກັນນັ້ນ, ກໍ່ຍັງມີບາງບັນຫາທີ່ຈະຕ້ອງໄດ້ເອົາໃຈໃສ່ປັບປຸງແກ້ໄຂ, ສືບຕໍ່ຈັດຕັ້ງຜັນຂະຫຍາຍແຜນພັດທະນາຂະແໜງ ປທສ 5 ປີ ຄັ້ງທີ II (2016-2020) ແລະ ຜັນຂະຫຍາຍແຜນພັດທະນາເສດຖະກິດ-ສັງຄົມ ຂອງແຂວງ ຈໍາປາສັກ 5 ປີ ຄັ້ງທີ VII (2016-2020) ໃຫ້ປາກົດຜົນເປັນຈິງ.

ໂອກາດດັ່ງກ່າວ, ທ່ານ ຮອງລັດຖະມົນຕີກະຊວງ ປທສ ຍັງໄດ້ມີຄໍາເຫັນ ແລະ ເນັ້ນໃຫ້ພະແນກ ປທສ ແຂວງ ຕ້ອງເອົາໃຈໃສ່ ຄຸ້ມຄອງຄື້ນຄວາມຖີ່ ແລະ ສຶບຕໍ່ແກ້ໄຂ ບັນຫາຄື້ນຄວາມຖີ່ ລົບກວນລຽບຕາມບໍລິເວນຊາຍແດນ ຕິດກັບປະເທດເພື່ອນບ້ານ ໃຫ້ໄດ້ຮັບຜົນດີ, ປັບປຸງກົງຈັກການຈັດຕັ້ງ ໃຫ້ກະທັດຮັດ, ຖືກຕ້ອງ ແລະ ສອດຄ່ອງກັບຄວາມເປັນຈິງ, ເອົາໃຈໃສ່ ບໍາລຸງ-ກໍ່ສ້າງ ຍົກລະດັບພະນັກງານ ຢ່າງຮອບດ້ານໃຫ້ມີຄວາມຮູ້, ຄວາມສາມາດ, ປະສົບການສູງ, ແບ່ງຄວາມຮັບຜິດຊອບ ໃຫ້ສົມຄູ່ກັນ ລະຫວ່າງມາດຕະຖານຕໍາແໜ່ງງານ ກັບລະດັບຄວາມຮູ້, ຄວາມສາມາດ ແລະ ຖືກກັບໜ້າທີ່ ວິຊາສະເພາະຂອງຕົນ. ເພີີ່ມທະວີບົດບາດການຄຸ້ມຄອງມະຫາພາກໃຫ້ນັບມື້ນັບສູງຂຶ້ນ ດ້ວຍການນໍາພາຈັດຕັ້ງປະຕິບັດນິຕິກໍາຕ່າງໆທັງກົດໝາຍ ແລະ ລຸ່ມກົດໝາຍ ໃນຂະແໜງການ ປທສ ຊຶ່ງວ່າ ໃນປະຈຸບັນ ໄດ້ມີກົດໝາຍວ່າດ້ວຍ ເຕັກໂນໂລຊີການສື່ສານຂໍ້ມູນຂ່າວສານ ແລະ ກະຊວງກໍາລັງສ້າງ ກົດໝາຍວ່າດ້ວຍ ຄື້ນຄວາມຖີ່ ແລະ ກົດໝາຍວ່າດ້ວຍ ການປົກປ້ອງຂໍ້ມູນເອເລັກໂຕຣນິກ ພ້ອມທັງ, ເອົາໃຈໃສ່ໂຄສະນາເຜີຍແຜ່ ໃຫ້ສັງຄົມໄດ້ຮັບຮູ້ ແລະ ເຂົ້າໃຈ ຢ່າງກວ້າງຂວາງ ເຖິງບົດບາດຄວາມສໍາຄັນຂອງວຽກງານ ໄອຊີທີ ໄປພ້ອມໆ ກັບການຂະຫຍາຍເຄື່ອຂ່າຍໂທລະຄົມ ໃຫ້ສາມາດກວມທຸກພື້ນທີ່ທຸກບ້ານ ໃນຂອບເຂດທົ່ວແຂວງ.

ໂດຍ: ຫ້ອງການ, ພະແນກປະຊາສໍາພັນ.