ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 661
  • ມື້ວານ1,139
  • ອາທິດນີ້5,198
  • ອາທິດກ່ອນ8,573
  • ເດືອນນີ້24,887
  • ເດືອນກ່ອນ29,097
  • ທັງໝົດ168,549
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ປທສ ມອບໃບຢັ້ງຢືນໜ່ວຍພັກເຂັ້ມແຂງ-ຮູ້ນໍາພາຮອບດ້ານ ປະຈໍາປີ 2016 ແລະ ມອບການຍ້ອງຍໍກອງປະຊຸມສຸດຍອດອາຊຽນ ຄັ້ງທີ 28, 29.

ກະຊວງໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດພິທີມອບໃບຢັ້ງຢືນໜ່ວຍພັກເຂັ້ມແຂງ-ຮູ້ນຳພາຮອບດ້ານ, ມອບບັດສະມາຊິກພັກສົມບູນ ຊຸດທີ 2, ມອບໃບຍ້ອງຍໍໃນການຮັບໃຊ້ກອງປະຊຸມສຸດຍອດອາຊຽນຄັ້ງທີ 28,29 ທີ່ລາວເຮົາເປັນເຈົ້າພາບ ແລະ ມອບໃບຍ້ອງຍໍຜູ້ທີ່ມີຜົນງານດີເດັ່ນປະຈຳປີ 2016 ໃຫ້ກັບພະນັກງານອ້ອມຂ້າງກະຊວງ ປທສ ຂຶ້ນ, ໃນວັນທີ 24 ກຸມພາຜ່ານມານີ້, ທີ່ກະຊວງ ດັ່ງກ່າວ. ໂດຍການເປັນປະທານຂອງ ທ່ານ ທັນສະໄໝ ກົມມະສິດ ເລຂາຄະນະພັກກະຊວງ, ລັດຖະມົນຕີກະຊວງ ປທສ , ມີບັນດາສະມາຊິກພັກອ້ອມຂ້າງກະຊວງເຂົ້າຮ່ວມ.

ທ່ານ ທັນສະໄໝ ກົມມະສິດ ເລຂາຄະນະພັກກະຊວງ, ລັດຖະມົນຕີກະຊວງ ປທສ ໄດ້ຍົກໃຫ້ເຫັນເຖິງ ຜົນສຳເລັດໃນການກໍ່ສ້າງໜ່ວຍພັກເຂັ້ມແຂງ-ຮູ້ນຳພາຮອບດ້ານ ປະຈຳປີ 2016 ຂອງອົງຄະນະພັກກະຊວງ ຊຶ່ງວ່າ, ສາມາດຮັບຮອງເອົາ 10 ໜ່ວຍພັກ ກວມ 40% ຂອງໜ່ວຍພັກທັງໝົດ ເປັນໜ່ວຍພັກເຂັ້ມແຂງ-ຮູ້ນຳພາຮອບດ້ານ ປະຈຳປີ 2016 ຊຶ່ງມີ: ໜ່ວຍພັກຫ້ອງການກະຊວງ, ໜ່ວຍພັກກົມຈົດຕັ້ງ-ພະນັກງານ, ໜ່ວຍພັກສູນອິນເຕີເນັດ, ໜ່ວຍພັກຈັດຕັ້ງ-ບໍລິຫານນະຄອນຫຼວງ, ໜ່ວຍພັກຕັ້ງໂຕະ-ອິນເຕີເນັດ, ໜ່ວຍພັກການຕະຫຼາດ, ໜ່ວຍພັກໂທລະສັບມືຖື, ໜ່ວຍພັກຈັດຕັ້ງ-ກວດກາ, ໜ່ວຍພັກຕັ້ງໂຕະ-ໄອຊີທີ ,ໜ່ວຍພັກສາຍສົ່ງ ແລະ ແຜນການປີ 2017 ກໍ່ຈະສຶບຕໍ່ສ້າງໜ່ວຍພັກແຂງ-ຮູ້ນຳພາຮອບດ້ານ ໃຫ້ກັບບັນດາເລຂາໜ່ວຍພັກຂອງກົມ/ທຽບເທົ່າ ແລະ ໜ່ວຍພັກຂຶ້ນກັບຄະນະພັກຮາກຖານບໍລິສັດລັດວິສາຫະກິດ ໄປສະນີ, ໂທລະຄົມມະນາຄົມ ໃຫ້ມີການສູ້ຊົນບຸກບືນສ້າງໜ່ວຍພັກແຂງຢ່າງໜ້ອຍໃຫ້ໄດ້ 15 ໜ່ວຍພັກ. ພ້ອມດຽວກັນນີ້, ກໍ່ຍັງໄດ້ມອບບັດສະມາຊິກພັກສົມບູນ ໃຫ້ກັບສະມາຊິກພັກສົມບູນ ຈຳນວນ 110 ສະຫາຍ, ຍິງ 47 ສະຫາຍ ຊຶ່ງວ່າການມອບບັດຄັ້ງນີ້ ໄດ້ຈັດຂຶ້ນເປັນຊຸດທີ 2. ພ້ອມນັ້ນ, ຍັງໄດ້ປະດັບຫຼຽນໄຊແຮງງານ ຊັ້ນ II ໃຫ້ກັບ 4 ກົມກອງຄື: ສູນອິນເຕີເນັດແຫ່ງຊາດ; ບໍລິສັດລັດວິສາຫະກິດລາວໂທລະຄົມມະນາຄົມ; ບໍລິສັດ ອີທີແອລ ມະຫາຊົນ; ບໍລິສັດສະຕາໂທລະຄົມ ແລະ ພະນັກງານ 65 ທ່ານ, ຍິງ 9 ທ່ານ. ມອບຫຼຽນໄຊແຮງງານຊັ້ນ III ຈຳນວນ 120 ທ່ານ ,ຍິງ 15 ທ່ານ, ຫຼຽນກາແຮງງານ 118 ທ່ານ, ຍິງ 18 ທ່ານ, ມອບໃບຍ້ອງຍໍຂັ້ນລັດຖະບານ 114 ທ່ານ , ຍິງ 23 ທ່ານ ໃນການປະກອບສ່ວນຮັບໃຊ້ກອງປະຊຸມສຸດຍອດອາຊຽນ ຄັ້ງທີ 28 ແລະ 29 ທີ່ ສປປ ລາວ ເປັນເຈົ້າພາບ (ການຍ້ອງຍໍ ອະນຸກຳມະການເຕັກໂນໂລຊີ ແລະ ຂໍ້ມູນຂ່າວສານ). ນອກນັ້ນ, ໄດ້ມອບໃບຍ້ອງຍໍ ແລະ ໃບຊົມເຊີຍ ປະຈຳປີ 2016 ໃຫ້ກັບພະນັກງານດີເດັ່ນພາຍໃນກະຊວງ ທັງໝົດ 399 ທ່ານ ຊຶ່ງໄດ້ແບ່ງອອກເປັນ 2 ປະເພດຄື: ປະເພດ 1 ມີ 125 ທ່ານ, ຍິງ 40 ທ່ານ, ປະເພດ 2 ມີ 274 ທ່ານ, ຍິງ 123 ທ່ານ.

ນອກຈາກນີ້, ທ່ານຍັງໄດ້ ສະແດງຄວາມຊົມເຊີຍຕໍ່ຜົນງານທີ່ຍາດມາໄດ້ ແລະ ໄດ້ເນັ້ນຕື່ມ ໃຫ້ພະນັກງານທຸກພາກສ່ວນ ບໍ່ວ່າຢູ່ຂົງເຂດລັດບໍລິຫານ ຫຼື ລັດວິສາຫະກິດກໍ່ຕາມ ໃຫ້ສູ້ຊົນບຸກບືນຫ້າວຫັນຂຶ້ນຕື່ມ ໃນການປະຕິບັດໜ້າທີ່ຂອງຕົນ ໃຫ້ໄດ້ຮັບຜົນສຳເລັດ ທີ່ທາງຂັ້ນເທີງໄດ້ໃວ້ວາງໃຈພວກເຮົາ. ຊຶ່ງ ທັງໝົດນັ້ນແມ່ນໜ້າທີ່ຂອງຄະນະພັກແຕ່ລະຂັ້ນຕ້ອງໄດ້ຄົ້ນຄ້ວາກຳແໜ້ນຈິດໃຈສຳຄັນຕົ້ນຕໍ ທີ່ພວກເຮົາຈະຕ້ອງໄດ້ສຸມສະຕິປັນຍາ ແລະ ກຳລັງແຮງເຂົ້າໃສ່ການຈັດຕັ້ງປະຕິບັດໃຫ້ປາກົດຜົນເປັນຈິງ ໃນການເຊີດຊູບົດບາດ ແລະ ຄວາມສາມາດຈັດຕັ້ງນຳພາປະຕິບັດໃຫ້ສູງຂຶ້ນຕື່ມອີກ, ສຶບຕໍ່ຈັດຕັ້ງປະຕິບັດໜ້າທີ່ການເມືອງ ຂອງຂະແໜງການ ໄປສະນີ, ໂທລະຄົມມະນາຄົມ ແລະ ການສື່ສານ ທີ່ພັກໄດ້ມອບໝາຍໃຫ້.

ໂດຍ: ກົມຈັດຕັ້ງ-ພະນັກງານ.