ສະຫາຍ ຮສຈ. ປອ. ຮວິ່ງ ແທ່ງ ດາດ ສົ່ງສານອວຍພອນເຖິງ ສະຫາຍ ບັນດິດ ສຈ. ບໍ່ວຽງຄໍາ ວົງດາລາ,

07/12/2022

ສະຫາຍ ຮສຈ. ປອ. ຮວິ່ງ ແທ່ງ ດາດ ສົ່ງສານອວຍພອນເຖິງ ສະຫາຍ ບັນດິດ ສຈ. ບໍ່ວຽງຄໍາ ວົງດາລາ,

         ສະຫາຍ ຮສຈ. ປອ. ຮວິ່ງ ແທ່ງ ດາດ, ລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ ແຫ່ງ ສາທາລະນະລັດ ສັງຄົມນິຍົມຫວຽດນາມ ໄດ້ສົ່ງສານອວຍພອນເຖິງ ສະຫາຍ ບັນດິດ ສຈ. ບໍ່ວຽງຄໍາ ວົງດາລາ, ກໍາມະການສູນກາງພັກ, ລັດຖະມົນຕີ ກະຊວງເຕັກໂນໂລຊີ ແລະ ການສື່ສານ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ເນື່ອງໃນໂອກາດວັນສະຖາປະນາ ສປປ ລາວ ຄົບຮອບ 47 ຊຶ່ງມີເນື້ອໃນວ່າ:

       ເນື່ອງໃນໂອກາດວັນສະຖາປະນາ ສາທາລະນະລັດ ປະຊທິິປະໄຕ ປະຊາຊົນລາວ ໝູນວຽນມາບັນຈົບຄົບຮອບ 47 ປີ (02/12/1975 - 02/12/2022),  ຕາງໜ້າໃຫ້ກະຊວງວິທະຍາສາດ ແລະ ເຕັກໂນໂລຊີ ແຫ່ງ ສສ ຫວຽດນາມ ແລະ ໃນນາມສ່ວນຕົວ, ຂ້າພະເຈົ້າ ຂໍຖືເປັນກຽດ ສົ່ງຄໍາຊົມເຊີຍອັນອົບອຸ່ນ ແລະ ພອນໄຊອັນປະເສີດ ມາຍັງ ສະຫາຍ ລັດຖະມົນຕີ ກໍຄື ຄະນະພັກ, ຄະນະນຳ ແລະ ພະນັກງານ ຂອງ ກະຊວງເຕັກໂນໂລຊີ ແລະ ການສື່ສານ ສປປ ລາວ.

          ພວກຂ້າພະເຈົ້າມີຄວາມພາກພູມໃຈທີ່ໄດ້ເຫັນ ໃນຕະຫຼອດໄລຍະ 47 ທີ່ຜ່ານມາ, ພາຍໃຕ້ການຊີ້ນໍາ-ນໍາພາ ອັນສະຫຼາດສ່ອງໃສ ແລະ ປີຊາສາມາດຂອງພັກປະຊາຊົນປະຕິວັດລາວ, ປະຊາຊົນລາວວິລະຊົນໄດ້ສ້າງຜົນງານອັນໃຫຍ່ຫຼວງຫຼາຍດ້ານຢ່າງບໍ່ຢຸດຢັ້ງ, ຊຶ່ງໃນນັ້ນໄດ້ມີການປະກອບສ່ວນຢ່າງຕັ້ງໜ້າວຽກງານຂອງຕົນເຂົ້າໃນພາກພື້ນກໍຄືສາກົນ.

          ເນື່ອງໃນໂອກາດວັນສະຖາປະນາ ຄົບຮອບ 47 ປີນີ້ ພວກຂ້າພະເຈົ້າມີຄວາມເຊື່ອໝັ້ນຢ່າງໜັກແໜ້ນວ່າ ພາຍໃຕ້ການຊີ້ນໍາຂອງສະຫາຍ ລັດຖະມົນຕີ ພ້ອມດ້ວຍຄະນະພັກ ແລະ ຄະນະນໍາກະຊວງເຕັກໂນໂລຊີ ແລະ ການສື່ສານ, ສປປ ລາວ, ຈະສືບຕໍ່ພັດທະນາໃຫ້ເຂັ້ມແຂງໃນຫລາຍດ້ານ ແລະ ສາມາດຍາດມາໄດ້ຜົນສໍາເລັດອັນຍິ່ງໃຫຍ່ກວ່າເກົ່າ ໃນຂົງເຂດເຕັກໂນໂລຊີ ແລະ ສານສື່ສານ, ປະກອບສ່ວນເຂົ້າໃນການເສີມຂະຫຍາຍກໍ່ສ້າງປະເທດຊາດ ສາທາລະນະລັດ ປະຊາທິປະໄຕປະຊາຊົນລາວ ໃຫ້ນັບມື້ເພີ່ມທະວີ ແລະ ເກີດດອກອອກຜົນຍິ່ງຂຶ້ນ.

          ອີກເທື່ອໜຶ່ງຂ້າພະເຈົ້າ ຂໍຝາກຄຳອວຍພອນ ສະຫາຍ ລັດຖະມົນຕີ, ພ້ອມດ້ວຍ ຄະນະພັກ, ຄະນະນຳ ແລະ ພະນັກງານ ຂອງ ກະຊວງເຕັກໂນໂລຊີ ແລະ ການສື່ສານ ສປປ ລາວ ຈົ່ງມີພາລະນາໄມສົມບູນ, ມີຄວາມຜາສຸກໃນຊີວິດສ່ວນຕົວ ແລະ ຄອບຄົວ. ຂໍອວຍພອນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ສາຍພົວພັນຮ່ວມມືຮອບດ້ານ ລະຫວ່າງ ສອງ ກະຊວງເຕັກໂນໂລຊີ ແລະ ການສື່ສານ ສປປ ລາວ ແລະ ກະຊວງວິທະຍາສາດ ແລະ ເຕັກໂນໂລຊີ ສສ ຫວຽດນາມ ຈົ່ງໝັ້ນຄົງທະນົງແກ່ນຕະຫຼອດກາລະນານ.

                                                                                 ດ້ວຍຄວາມນັບຖືເປັນຢ່າງສູງ.

ສະຫາຍ ຮສຈ. ປອ. ຮວິ່ງ ແທ່ງ ດາດ, ລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ, ສາທາລະນະລັດ ສັງຄົມນິຍົມຫວຽດນາມ

 

ວິໄສທັດແຜນພັດທະນາເສດຖະກິດດິຈິຕ໋ອນ ແຫ່ງຊາດ
ສະຖິຕິຂະແໜງ ເຕັກໂນໂລຊີ ແລະ ການສື່ສານ ປີ2021
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ III (2021-2025)
ວາ​ລະ​ສານ ໄອ​ຊີ​ທີ 17
ລະ​ບົບ​ຂື້ນ​ທະ​ບຽນ​ປະ​ຊຸມ