ໃນວັນທີ 24 ມັງກອນ 2025 ຜ່ານມານີ້, ທີມກິລາບານເຕະຊາຍ ຄະນະບໍລິຫານງານຊາວໜຸ່ມປະຊາຊົນປະຕິວັດລາວ, ກະຊວງເຕັກໂນໂລຊີ ແລະ ການສື່ສານ (ຄຊປປລ, ກຕສ) ໄດ້ເຂົ້າຮ່ວມການແຂ່ງຂັນເປັນນັດທໍາອິດ ກິລາບານເຕະ ຊິງຂັນສະຫາຍເລຂາຄະນະບໍລິຫານງານ ສູນກາງຊາວໜຸ່ມປະຊາຊົນ ປະຕິວັດລາວ Lao Youth Union Cup ປະຈຳປີ 2024, ຢູ່ເດີ່ນບານ ລ້ານຊ້າງສະເຕດຽມ. ໂດຍການນຳພາຂອງ ສະຫາຍ ບຸນສັກດາ ພົມສະຫວັນ ກຳມະການ ຄະນະບໍລິຫານງານຊາວໜຸ່ມ ກະຊວງເຕັກໂນໂລຊີ ແລະ ການສື່ສານ ພ້ອມດ້ວຍຄະນະຄູຝຶກ ແລະ ນັກກິລາເຂົ້າຮ່ວມທັງໝົດ 25 ສະຫາຍ. ໃນນັ້ນປະກອບມີ ຄະນະຮັບຜິດຊອບຄູຝືກ ແລະ ນັກກິລາ ມີ: ສະຫາຍ ບຸນສັກດາ ພົມສະຫວັນ, ສະຫາຍ ສົມພາວັນ ຫລວງດາລັງສີ, ສະຫາຍ ບຸນຖອງ ສິດລາກອນ ແລະ ສະຫາຍ ວິພຣະສະຫວັນ ແກ້ວສຸວັນ, ຄູຝຶກມີ: ສະຫາຍ ໃຈ ພົມມະທັດ, ສະຫາຍ ສາຍສະໜອນແກ້ວ ຫຼວງເສນາ, ສະຫາຍ ທຳມະລັດ ວົງພັກດີ ແລະ ສະຫາຍ ແກ້ວພູຊອນ ພັນດາລາ, ນັກກິລາຕົວຈິງ 11 ສະຫາຍ ມີ: ສະຫາຍ ປະເສີດສັກ ສຸລິຍະວົງ (ຫົວໜ້າທີມ C ນໍ້າເບີ 20), ສະຫາຍ ເພັງພະຈັນ ຫລວງລາດ (ນັກຮັບ ນໍ້າເບີ 1), ສະຫາຍ ວັງນະຄອນ ວັດຕະໂສ (ກອງໜ້າ ນໍ້າເບີ 7), ສະຫາຍ ວຽງສະຫວັນ ຫຼວງວິໄລ (ກອງກາງ ນໍ້າເບີ 18), ສະຫາຍ ໄຊນະຄອນວຽງ ວົງດາລາແສນ (ກອງຫຼັງ ນໍ້າເບີ 2), ສະຫາຍ ສຸພາກອນ ບຸນນະດີ (ກອງກາງ ນໍ້າເບີ 14), ສະຫາຍ ວິລະໄຊ ໄຊສິດ (ກອງກາງ ນໍ້າເບີ 23), ສະຫາຍ ສຸລິວັນ ລາດຊະຈັກ (ກອງຫຼັງ ນໍ້າເບີ 16), ສະຫາຍ ຄໍາຜາຍ ອິນທະຣາ (ກອງໜ້າ ນໍ້າເບີ 5), ສະຫາຍ ຄໍາປະສົງ ຊາພັກດີ (ກອງຫຼັງ ນໍ້າເບີ 19) ແລະ ສະຫາຍ ພົງສະຫວັນ ຫຼ້າມີໄຊ (ກອງກາງ ນໍ້າເບີ 17).

ໃນການສ້າງຂະບວນການ ໃຫ້ມີຄວາມສາມັກຄີ ແລະ ຄວາມສຳຄັນໃນຄັ້ງນີ້ ກໍເພື່ອຂໍ່ານັບຮັບຕ້ອນກອງປະຊຸມໃຫຍ່ຜູ້ແທນຊາວໝຸ່ມ ທົ່ວປະເທດ ຄັ້ງທີ IX ກໍຄື ກອງປະຊຸມໃຫຍ່ຜູ້ແທນຊາວໜຸ່ມ ກະຊວງເຕັກໂນໂລຊີ ແລະ ການສື່ສານ ຄັ້ງທີ III ນີ້. ພ້ອມທັງຂໍເຊີນຊວນພະນັກງານ ແລະ ສະມາຊິກ ຊາວໝູ່ມຂຶ້ນກັບກະຊວງ ເຕັກໂນໂລຊີ ແລະ ການສື່ສານ ເຂົ້າຮ່ວມຮັບຊົມຮັບເຊຍໃນຄັ້ງຕໍ່ໄປດັ່ງລາຍລະອຽດລຸ່ມນີ້::