ປທສ ຝຶກອົບຮົມ ການຈັດສັນ ແລະ ຄຸ້ມຄອງເລກໝາຍໂທລະສັບ

10/06/2019

ປທສ ຝຶກອົບຮົມ ການຈັດສັນ ແລະ ຄຸ້ມຄອງເລກໝາຍໂທລະສັບ

         ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ເປີດຊຸດຝຶກອົບຮົມໃນຫົວຂໍ້: ການຈັດສັນ ແລະ ຄຸ້ມຄອງເລກໝາຍໂທລະສັບ ຂຶ້ນໃນລະຫວ່າງວັນທີ 27-31 ພຶດສະພາທີ່ຜ່ານມາ, ທີ່ສະຖາບັນສະຖາບັນເຕັກໂລຊີການສື່ສານຂໍ້ມູນ ຂ່າວສານ (ສຕສ). ພາຍໃຕ້ການເປັນປະທານ ແລະ ກ່າວເປີດໂດຍ ທ່ານ ບັນຈົງ ເພັດສີແດງ ຫົວໜ້າອົງການດັດສົມໂທລະຄົມມະນາຄົມ, ກະຊວງ ປທສ ມີບັນດາທ່ານຄະນະກົມ, ຫົວໜ້າພະແນກ, ວິຊາການຈາກບັນດາກົມ/ທຽບເທົ່າອ້ອມຂ້າງກະຊວງ ປທສ ແລະ ບັນດາບໍລິສັດຜູ້ໃຫ້ບໍລິການດ້ານໂທລະຄົມມະນາຄົມ ເຂົ້າຮ່ວມ. ຊຶ່ງມີນັກວິທະຍາກອນ ຈາກອົງການດັດສົມໂທລະຄົມມະນາຄົມ, ກະຊວງເຕັກໂນໂລຊີ ແລະ ຂໍ້ມູນຂ່າວສານ ສສ ຫວຽດນາມ, ນຳໂດຍ ທ່ານ ຊາງ ວັນ ທັງ  ພ້ອມດ້ວຍຄະນະ.

          ການຈັດຝຶກອົບຮົມໃນຄັ້ງນີ້, ກໍ່ເພື່ອສ້າງຄວາມເຂັ້ມແຂງ ໃຫ້ແກ່ນັກສໍາມະນາກອນ ໃຫ້ມີຄວາມຮັບຮູ້ ແລະ ເຂົ້າໃຈຢ່າງເລີກເຊິ່ງກ່ຽວກັບ ການຈັດສັນ ແລະ ຄຸ້ມຄອງເລກໝາຍໂທລະສັບ ໃຫ້ ສາມາດກຳໄດ້ເນື້ອໃນເຕັກນິກທີ່ສຳຄັນ ແລະ ສາມາດນຳໃຊ້ຜັນຂະຫຍາຍ ນໍາໃຊ້ເຂົ້າໃນໜ້າທີ່ວຽກງານປັບປຸງແຜນຈັດສັນເລກໝາຍໃນອານາຄົດ. ນອກນີ້, ຍັງໄດ້ມີການປຶກສາຫາລື,ແລກປ່ຽນບົດຮຽນຊື່ງກັນ ແລະ ກັນ, ມີການຕັ້ງຄຳຖາມ-ຕອບຄຳຖາມ, ຄົ້ນຄິດແບບວິທະຍາ ແລະ ມີການໂຕ້ວາທີແລກປ່ຽນບົດຮຽນຕະຫຼອດໃນໄລຍະ 5 ວັນ.

          ພາບ+ຂ່າວ ໂດຍ: ອົງການດັດສົມໂທລະຄົມມະນາຄົມ.

 

ວາ​ລະ​ສານ ໄອ​ຊີ​ທີ
ສະຖິຕິຂະແໜງ ໄປສະນີ, ໂທລະຄົມມະນາຄົມ ແລະ ການສື່ສານ ປີ2018
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບລ່າສຸດ
ລະ​ບົບ​ຂື້ນ​ທະ​ບຽນ​ປະ​ຊຸມ