ລັດຖະມົນຕີກະຊວງ ປທສ ຕ້ອນຮັບ ເອກອັກຄະລັດຖະທູດອິນເດຍຄົນໃໝ່.

12/06/2019

ລັດຖະມົນຕີກະຊວງ ປທສ ຕ້ອນຮັບ ເອກອັກຄະລັດຖະທູດອິນເດຍຄົນໃໝ່.

         ໃນວັນທີ 12 ມິຖຸນາ 2019 ນີ້, ທ່ານ ປອ. ທັນສະໄໝ ກົມມະສິດ ລັດຖະມົນຕີກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ໃຫ້ກຽດຕ້ອນຮັບ ທ່ານ ດິນກາ ອັດຕານາ (Dinkar Asthana) ເອກອັກຄະລັດຖະທູດວິສາມັນ ຜູ້ມີອຳນາດເຕັມ ແຫ່ງ ສາທາລະນະລັດອິນເດຍ ປະຈຳ ສປປ ລາວ ​ເນື່ອງ​ໃນ​ໂອກາດ ມາ​ດໍາລົງຕໍາແໜ່ງ ​​ເປັນ​ເອກ​ອັກຄະ​ລັດຖະທູດ​ຄົນ​ໃໝ່ ປະຈຳ ສປປ ລາວ.

          ໃນໂອກາດນີ້, ທ່ານ ປອ. ທັນສະໄໝ ກົມມະສິດ ໄດ້ສະແດງຄວາມຕ້ອນຮັບ, ຊົມເຊີຍ ແລະ ຕີລາຄາສູງ ຕໍ່ທ່ານ Dinkar Asthana ທີ່​ໄດ້​ເດີນທາງ​ມາ​ ປະຕິບັດ​ໜ້າ​ທີ່​ການ​ທູ​ດ ຢູ່ ສປປ ລາວ ​ເຊິ່ງ​ເປັນ​ການ​ປະກອບສ່ວນ​ອັນ​ສຳຄັນ ​ເຂົ້າ​ໃນ​ການ​ເສີມ​ຂະ​ຫຍາ​ຍ ສາຍ​ພົວພັນ​ມິດຕະພາບ ​ແລະ ການ​ຮ່ວມ​ມື​ ລະຫວ່າງ​ 2 ປະ​ເທດ ​ໃຫ້​ມີ​ຄວາມແໜ້ນ​ແຟ້ນ ​ແລະ ​ແຕກ​ດອກ​ອອກ​ຜົນຍິ່ງ​ຂຶ້ນ. ພ້ອມນີ້, ທັງສອງຝ່າຍ ຍັງໄດ້ມີການປຶກສາຫາລື  ​ແລະ ​ແລກປ່ຽນ​ຄຳ​ຄິດ​ຄຳ​ເຫັນ ກ່ຽວກັບການຮ່ວມມືກັນທາງດ້ານວຽກງານ ໄອຊີທີ ກໍ່ຄືການຮ່ວມມືສອງຝ່າຍລະຫວ່າງ ສປປ ລາວ ແລະ ສາທາລະນະລັດອິນເດຍ ໃຫ້ມີການຂະຫຍາຍຕົວເພີ່ມຂຶ້ນເລື້ອຍໆ.

         ໃນຕ້ອນທ້າຍ ທ່ານ Dinkar Asthana ໄດ້ສະແດງຄວາມຂອບໃຈ ແລະ ນັບຖືຢ່າງສູງຕໍ່ ທ່ານ ລັດຖະມົນຕີ ກະຊວງ ປທສ ໃນການຕ້ອນຮັບການເຂົ້າຢ້ຽມ ຂໍ່ານັບໃນຄັ້ງນີ້ ຢ່າງອົບອຸ່ນ, ເປັນກັນເອງ  ແລະ ອຳນວຍ ຄວາມສະດວກ ໃນໄລຍະການ ຢ້ຽມຢາມ ດັ່ງກ່າວ.

             ຂ່າວ: ພະແນກເລຂານຸການ-ພິທີການ.

 

ສະຖິຕິຂະແໜງ ໄປສະນີ, ໂທລະຄົມມະນາຄົມ ແລະ ການສື່ສານ ປີ2018
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບລ່າສຸດ
ວາລະສານ ໄອຊີທີ ສະບັບທີ 13
ລະ​ບົບ​ຂື້ນ​ທະ​ບຽນ​ປະ​ຊຸມ