ທ່ານ ທັນສະໄໝ ກົມມະສິດ ຕ້ອນຮັບການເຂົ້າຢ້ຽມຂໍ່ານັບຂອງທູດ ຝຣັ່ງ.

11/09/2019

ທ່ານ ທັນສະໄໝ ກົມມະສິດ ຕ້ອນຮັບການເຂົ້າຢ້ຽມຂໍ່ານັບຂອງທູດ ຝຣັ່ງ.

       ທ່ານ ທັນສະໄໝ ກົມມະສິດ ລັດຖະມົນຕີ ກະຊວງໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ນາງ ຟລໍຣອງສ ຊອງ ບລອງ ຣິສແລກ ( Florence Jeamblanc Risler) ເອກອັກຄະລັດຖະທູດ ຝຣັ່ງ ປະຈໍາ ສປປ ລາວ ພ້ອມດ້ວຍຄະນະ, ໃນວັນທີ 11 ກັນຍາຜ່ານມານີ້.  ເນື່ອງໃນໂອກາດ ດໍາລົງຕໍາແໜ່ງເປັນເອກອັກຄະລັດຖະທູດ ຄົນໃໝ່ ປະຈໍາ ສປປ ລາວ

        ໃນໂອກາດນີ້, ທ່ານ ທັນສະໄໝ ກົມມະສິດ ໄດ້ສະແດງຄວາມຍິນດີຕ້ອນຮັບ, ຊົມເຊີຍ ພ້ອມທັງຕີລາຄາສູງຕໍ່ການເຂົ້າຢ້ຽມຂໍ່ານັບ ແລະ ພົບປະຂອງ ນາງ ຟລໍຣອງສ ຊອງບລອງ ຣິສແລກ ພ້ອມດ້ວຍຄະນະ ແລະ ກ່າວຊົມເຊີຍຕໍ່ການດຳລົງຕຳແໜ່ງໃໝ່. ພ້ອມນີ້, ທັງສອງຝ່າຍ ກໍ່ໄດ້ມີການປຶກສາຫາລືກ່ຽວກັບແຜນການຮ່ວມມືໃນຫຼາຍດ້ານ ໂດຍສະເພາະ ຂົງເຂດວຽກງານວຽກງານ ໄອຊີທີ ເພື່ອພັດທະນາເສີມສ້າງ ສາຍພົວພັນ ລະຫວ່າງ ສປປ ລາວ ແລະ ຝຣັ່ງ ໃຫ້ນັບມື້ຂະຫຍາຍຕົວ ຂຶ້ນເລື້ອຍໆ ແລະ ກວ້າງຂວາງອອກຢ່າງຕໍ່ເນື່ອງ.

ໃນຕອນທ້າຍ, ນາງ ຟລໍຣອງສ ຊອງບລອງ ຣິສແລກ ພ້ອມດ້ວຍຄະນະ ກໍ່ໄດ້ສະແດງຄວາມຂອບໃຈ ທີ່ທ່ານ ລັດຖະມົນຕີ ກະຊວງ ປທສ ໄດ້ສະຫຼະເວລາ ອັນມີຄ່າ ຕ້ອນຮັບການເຂົ້າຢ້ຽມ ຂໍ່ານັບໃນຄັ້ງນີ້ ຢ່າງອົບອຸ່ນ, ເປັນກັນເອງ  ແລະ ອຳນວຍຄວາມສະດວກ ໃນໄລຍະການຢ້ຽມຢາມໃນຄັ້ງນີ້.

        ຂ່າວ: ຫ້ອງການ, ພະແນກເລຂານຸການ-ພິທີການ.

 

ວາ​ລະ​ສານ ໄອ​ຊີ​ທີ
ສະຖິຕິຂະແໜງ ໄປສະນີ, ໂທລະຄົມມະນາຄົມ ແລະ ການສື່ສານ ປີ2018
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບລ່າສຸດ
ລະ​ບົບ​ຂື້ນ​ທະ​ບຽນ​ປະ​ຊຸມ