ງານປະກວດ ອາຊຽນ ໄອຊີທີ ອາວອດ ປະຈໍາປີ 2019

30/10/2019

ງານປະກວດ ອາຊຽນ ໄອຊີທີ ອາວອດ ປະຈໍາປີ 2019

         ໃນລະຫວ່າງວັນທີ 23-24 ຕຸລາ 2019 ກະຊວງ ໄປສະນີ ໂທລະຄົມມະນາຄົມ ແລະ ການສື່ສານ (ປທສ) ໄດ້ເປັນເຈົ້າພາບຈັດງານແຂ່ງຂັນ ອາຊຽນ ໄອຊີທີ ປີ 2019 ຫຼື ASEAN ICT AWARD 2019 ໂດຍມີພິທີເປີດການແຂ່ງຂັນໃນຮອບສຸດທ້າຍ ທີ່ໂຮງແຮມລາວພຣາຊ້າ, ຊຶ່ງເປັນກຽດເປັນປະທານໂດຍ ທ່ານ ສຸລິຍາ ຄໍາບຣູລາວົງ, ຫົວໜ້າສູນສົ່ງເສີມການນໍາໃຊ້ເຕັກໂນໂລຊີການສື່ສານຂໍ້ມູນຂ່າວສານ, ກະຊວງ ປທສ, ທ່ານ ທະນົງເດືອນ ຕຸລິຫົງ, ຮອງຫົວໜ້າກົມເຕັກໂນໂລຊີການສື່ສານຂໍ້ມູນຂ່າວສານ ມີຜູ້ຕາ່ງໜ້າຈາກບັນດາກົມ/ທຽບເທົ່າ, ກຳມະການ ແລະ ຜູ້ເຂົ້າແຂ່ງຂັນຈາກບັນດາປະເທດສະມາຊິກອາຊຽນເຂົ້າຮ່ວມ.

        ການແຂ່ງຂັນຄັ້ງນີ້ ເພື່ອສະແດງໃຫ້ເຫັນເຖິງຄວາມສໍາຄັນ ແລະ ການມີສ່ວນຮ່ວມຂອງ ICT ໃນຊຸກຍູ້ການເຕີບໂຕຂອງເສດຖະກິດອາຊຽນ ທັງເປັນການສົ່ງເສີມ-ຊຸກຍູ້ການນໍາໃຊ້ ICT ຢ່າງເໝາະສົມ ແລະ ໃຫ້ມີຄວາມກ້າວ ໜ້າຢ່າງສູງສຸດ. ເຊິ່ງການຊະນະລາງວັນ ASEAN ICT AWARD ໄດ້ເປັນສັນຍານບົ່ງບອກທີ່ດີ ກໍຄືການໄດ້ຮັບ ການຍອມຮັບຈາກກຸ່ມປະເທດທີ່ມີຄວາມກ້າວໜ້າທາງດ້ານເຕັກໂນໂລຊີໃນອາຊຽນ.

        ການແຂ່ງຂັນ ASEAN ICT AWARD 2019 ຊຶ່ງເປັນສ່ວນໜຶ່ງຂອງກອງປະຊຸມ ລັດຖະມົນຕີ ໂທລະຄົມມະນາຄົມ ແລະ ໄອຊີທີ ອາຊຽນ ທີ່ໄດ້ຈັດຂຶ້ນທຸກໆປີ, ການແຂ່ງຂັນໃນຄັ້ງນີ້ແມ່ນຈັດຂຶ້ນເປັນຄັ້ງທີ 08 ນັບຕັ້ງແຕ່ປີ 2012 ທີ່ປະເທດ ຟິລິປິນ ໄດ້ຮັບເປັນເຈົ້າພາບຄັ້ງທໍາອິດ.

        ການແຂ່ງຂັນ ໄດ້ແບ່ງອອກເປັນ 2 ຮອບ ຄື: ຮອບຄັດເລືອກທາງອອນລາຍ ແລະ ຮອບສຸດທ້າຍ. ຜ່ານການຄັດເລືອກຈາກຜະລິດຕະພັນທີ່ສົ່ງເຂົ້າຮ່ວມແຂ່ງຂັນທັງໝົດໃນຮອບອອນລາຍມີ 103 ຜະລິດຕະພັນ ແລະ ໄດ້ມີ 18 ຜະລິດຕະພັນທີ່ຜ່ານເຂົ້າຮອບສຸດທ້າຍ. ໃນນັ້ນຕາງໜ້າຈາກ ສປປ ລາວ ເຂົ້າຮ່ວມປະກວດ 05 ຜະລິດຕະພັນ ແລະ ໄດ້ເຂົ້າຮອບສຸດທ້າຍ 02 ຜະລິດຕະພັນ ຄື:  Goteddy ຂອງບໍລິສັດ Goteddy ແລະ  Road Tax ຂອງທະນາຄານ BCEL, ການແຂ່ງຂັນໃນຮອບສຸດທ້າຍນີ້ໄດ້ດໍາເນີນໄປເປັນເວລາ 02 ວັນ ແລະ ໄດ້ປະກາດຜົນໃນງານພິທີມອບລາງວັນ (ASEAN ICT AWAERD Ceremony) ເຊິ່ງໄດ້ຈັດຂຶ້ນຕອນຄໍ່າຂອງວັນທີ 24 ຕຸລາ 2019 ທີ່ ໂຮງແຮມແລນມາກ. ໂດຍມີຜົນຊະນະເລີດການແຂ່ງຂັນ ດັ່ງນີ້:

 

ໝວດແຂ່ງຂັນ

ຊື່ຜະລິດຕະພັນ

ປະເທດ

ລາງວັນ

Public sector

Road Tax

Lao PDR

Gold

IMDA Lab on Wheels

Singapore

Silver

PARENTS GATEWAY

Singapore

Bronze

Private sector

RiTx Bertani Apps

Indonesia

Gold

Spark FX

Singapore

Silver

V3 Vertical Positioning Technology

Singapore

Bronze

Corporate Social Responsible

Viettel Study Elearning Social Network

Viet Nam

Gold

Aor Sor Mor Online Platform

Thailand

Silver

Darah Kita

Indonesia

Bronze

Digital content

Selfie eXtreme

Thailand

Gold

HOCMAI.VN

Viet Nam

Silver

VR Fire Fighter

Thailand

Bronze

Startup

Tessaract

Singapore

Gold

WISE AI

Malaysia

Silver

Goteddy

Lao PDR

Bronze

Research and Development

ATM Sehat

Indonesia

Gold

Maker Playground

Thailand

Silver

REUNITE

Malaysia

Bronze

 

          ໃຫ້ກຽດມອບລາງວັນໃນຄັງນີ້ໂດຍ ບັນດາລັດຖະມົນຕີໂທລະຄົມມະນາຄົມ ແລະ ໄອຊີທີ ຂອງແຕ່ລະປະເທດສະມາຊິກອາຊຽນ ພັດປ່ຽນກັນຕາມແຕ່ລະໝວດລາງວັນ. ສຳລັບການແຂ່ງຂັ້ນໃນຄັ້ງຕໍ່ໄປແມ່ນຈະຈັດຂື້ນທີ່ປະເທດ ມາເລເຊຍ ໃນທ້າຍປີ 2020. ຊຶ່ງກໍ່ຂໍເຊີນຊວນ ບັນດາບໍລິສັດ, ອົງກອນ ທີ່ມີຜະລິດຕະພັນທາງດ້ານໄອຊີທີ ເຂົ້າຮ່ວມແຂ່ງຂັນນຳພວກເຮົາໃນປີຕໍ່ໄປດ້ວຍ.

          ຂ່າວ: ກົມໄອຊີທີ, ປທສ.

 

ສະຖິຕິຂະແໜງ ໄປສະນີ, ໂທລະຄົມມະນາຄົມ ແລະ ການສື່ສານ ປີ2018
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບລ່າສຸດ
ວາລະສານ ໄອຊີທີ ສະບັບທີ 13
ລະ​ບົບ​ຂື້ນ​ທະ​ບຽນ​ປະ​ຊຸມ