ປທສ ມອບເງີນຊ່ວຍເຫຼືອ ບັນດາແຂວງພາກກາງ ແລະ ພາກໃຕ້.

04/11/2019

ປທສ ມອບເງີນຊ່ວຍເຫຼືອ ບັນດາແຂວງພາກກາງ ແລະ ພາກໃຕ້.

         ໃນຕອນເຊົ້າຂອງວັນທີ 1 ພະຈິກ 2019 ນີ້, ທີ່ກະຊວງແຮງງານ ແລະ ສະຫວັດດີການສັງຄົມ ທ່ານ ທອງໃສ ຊານໄຊຍະ ຮອງລັດຖະມົນຕີກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ)  ພ້ອມດ້ວຍຄະນະ ໄດ້ມອບເງີນສົດ ຈໍານວນ 178.429.000 ກີບ ເພື່ອປະກອບສ່ວນຊ່ວຍເຫຼືອ ຜູ້ປະສົບໄພພິບັດ ຈາກນໍ້າຖ້ວມໃນບັນດາແຂວງພາກກາງ ແລະ ພາກໃຕ້ ປີ 2019. ຕາງໜ້າຮັບໂດຍ ທ່ານ ນາງ ຄໍາໃບ ຂັດທິຍະ ຮອງລັດຖະມົນຕີກະຊວງແຮງງານ ແລະ ສະຫວັດດີການສັງຄົມ. ຊຶ່ງເງິນ ດັ່ງກ່າວ ແມ່ນໄດ້ຮັບການປະກອບສ່ວນຈາກບັນດາກົມ/ສູນ ທຽບເທົ່າ ແລະ ບໍລິສັດລັດວິສາຫະກິດ ທີ່ຂຶ້ນກັບກະຊວງ ປທສ.

           ໃນຕອນທ້າຍ ທ່ານ ນາງ ຄໍາໃບ ຂັດທິຍະ ໄດ້ສະແດງຄວາມຂອບໃຈຕໍ່ພາກສ່ວນທີ່ກ່ຽວຂ້ອງໃນການປະກອບສ່ວນຊ່ວຍເຫຼືອບັນເທົາທຸກສຸກເສີນ ແລະ ຟື້ນຟູຄືນຫຼັງໄພພິບັດ ພ້ອມທັງຈະນໍາໃຊ້ ໃຫ້ເກີດປະໂຫຍດສູງສຸດ.

           ຂ່າວ: ພະແນກເລຂານຸການ-ພິທີການ, ປທສ.

 

ສະຖິຕິຂະແໜງ ໄປສະນີ, ໂທລະຄົມມະນາຄົມ ແລະ ການສື່ສານ ປີ2018
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບລ່າສຸດ
ວາລະສານ ໄອຊີທີ ສະບັບທີ 13
ລະ​ບົບ​ຂື້ນ​ທະ​ບຽນ​ປະ​ຊຸມ