ປທສ ຝຶກອົບຮົມຫຼັກສູດ ທັກສະການຂຽນບົດ ແລະ ການຂຶ້ນນຳສະເໜີບົດ

06/02/2020

ປທສ ຝຶກອົບຮົມຫຼັກສູດ ທັກສະການຂຽນບົດ ແລະ ການຂຶ້ນນຳສະເໜີບົດ

        ໃນ​ຕອນ​ເຊົ້າ​ວັນ​ທີ 03 ກຸມ​ພາຜ່ານມານີ້, ກົມ​ຈັດ​ຕັ້ງ-ພະ​ນັກ​ງານ, ກະ​ຊວງ​ໄປ​ສະ​ນີ, ໂທ​ລະ​ຄົມ​ມະ​ນາ​ຄົມ ແລະ     ການ​ສື່​ສານ (ປທສ) ໄດ້​ຈັດ​ພິ​ທີ​ເປີດ​ຊຸດ​ຝຶກ​ອົບ​ຮົມຫຼັກ​ສູດ: ທັກ​ສະ​ການ​ຂຽນ​ບົດ ແລະ ການ​ຂຶ້ນ​ນຳ​ສະ​ເໜີ​ບົດຢູ່​ພາຍ​ໃນ ແລະ ຕ່າງ​ປະ​ເທດ ຊ​ຸດ​ທີ 01 ຂຶ້ນ, ທີ່​ສະ​ຖາ​ບັນ​ເຕັກ​ໂນ​ໂລ​ຊີ​ການ​ສື່​ສານ​ຂໍ້​ມູນ​ຂ່າວ​ສານ. ໂດຍ​ການ​ເປັນ​ປະ​ທານຮ່ວມຂອງ ​ທ່ານ ຄຳ​ພູ​ ດວງ​ຖະໜອມ ຄະ​ນະ​ພັກ​ກະ​ຊວງ, ຫົວ​ໜ້າ​ກົມ​ຈັດ​ຕັ້ງ-ພະ​ນັກ​ງານ, ກະ​ຊວງ ປ​ທ​ສ  ແລະ ທ່ານ ສີ​ລິ​ພອນ ອິນ​ທິ​ລາດ ຫົວ​ໜ້າ​ສະ​ຖາ​ບັນ​ຝຶກ​ອົບ​ຮົມ​​ໂຍ​ທາ​ທິ​ການ ແລະ ຂົນ​ສົ່ງ, ກະ​ຊວງ ໂຍທາທິການ ແລະ ຂົນສົ່ງ (ຍ​ທ​ຂ), ​ມີຄະ​ນະ​ພະ​ແນກ ແລະ ວິ​ຊາ​ການ​ຈາກ​ບັນ​ດາ​ກົມ​/ທຽບ​ເທົ່າອ້ອມຂ້າງກະຊວງເຂົ້າ​ຮ່ວມ.

        ໃນ​ຊຸດ​ຝຶກ​ອົບ​ຮົມ​ຄັ້ງ​ນີ້, ​ໄດ້​ຮັບ​ການ​ຮ່ວມ​ມື ແລະ ຊ່ວຍ​ເຫຼືອ ທາງ​ດ້ານ​ເນື້ອ​ໃນຫຼັກ​ສູດ ແລະ ນັກ​ວິ​ທະ​ຍາ​ກອນ ຈາກ​ສະ​ຖາ​ບັນ​ຝຶກ​ອົບ​ຮົມ​ໂຍ​ທາ​ທິ​ການ ແລະ ຂົນ​ສົ່ງ, ກະ​ຊວງ ຍ​ທ​ຂ, ເຊິ່ງປະກອບມີ 05 ຫົວ​ຂໍ້ຄື: ການກະກຽມບົດທີ່ຈະນໍາສະເໜີ,  ການນໍາໃຊ້​ power point,​ ການກະກຽມເດີນທາງໄປຮ່ວມກອງປະຊຸມ ​ແລະ ສໍາມະນາ ຢູ່ຕ່າງປະເທດ,​ ການຂື້ນນໍາສະເໜີບົດ ແລະ ​ບົດສະຫຼຸບ ເພື່ອ​ໃຫ້ພະນັກງານ ມີຄວາມຊຳນິຊຳນານ ແລະ ຄວາມ​ໝັ້ນ​ໃຈ ໃນການຂຽນບົດ ແລະ ການນຳສະເໜີບົດ ບໍ່ວ່າຢູ່ພາຍໃນ ແລະ ຕ່າງປະເທດ ຢ່າງ​ເປັນ​ມື​ອາ​ຊີບ. ທັກສະການຂຽນບົດ ແລະ ຂຶ້ນນຳສະເໜີບົດ ເປັນທັກສະທີ່ສຳຄັນ ແລະ ຈຳເປັນ ໃນການສະເໜີຂໍ້ມູນ, ຄວາມຮູ້, ຄວາມຄິດເຫັນ, ສະເໜີທາງເລືອກໃຫ້ການນຳໄດ້ອະນຸມັດເຖິງຂໍ້ສະເໜີ, ວິທີແກ້ບັນຫາຕ່າງໆ ຫຼື ນຳ​ສະ​ເໜີ​ເພື່ອ​ການຕັດສິນໃຈໄປສູ່ຜູ້ຟັງ ໂດຍໃຊ້ເຕັກນິກ ຫຼື ວິທີການຕ່າງໆ ເພື່ອເຮັດໃຫ້ບັນລຸຜົນສຳເລັດຕາມຈຸດປະສົງຕາມທີ່ຄາດໝາຍໄວ້, ເຊິ່ງໃນັດຈຸບັນນີ້ການນຳສະເໜີບົດ ໄດ້ເຂົ້າມາມີບົດບາດສຳຄັນໃນອົງກອນຕ່າງໆເຊັ່ນ: ທາງການເມືອງ, ທາງການສຶກສາ,  ທາງພາກລັດ ແລະ ເອກກະຊົນ.

          ພາບ+ຂ່າວ: ກົມຈັດຕັ້ງ-ພະນັກງານ, ປທສ.

 

ສະຖິຕິຂະແໜງ ໄປສະນີ, ໂທລະຄົມມະນາຄົມ ແລະ ການສື່ສານ ປີ2018
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບລ່າສຸດ
ວາ​ລະ​ສານ ໄອ​ຊີ​ທີ 15
ລະ​ບົບ​ຂື້ນ​ທະ​ບຽນ​ປະ​ຊຸມ