ປທສ ເຂົ້າຮ່ວມກອງປະຊຸມທາງໄກ ກັບກຸ່ມປະສານງານໃນການສ້າງແຜນຍຸດທະສາດວຽກງານ ອົງການໂທລະຄົມມະນາຄົມ ອາຊີ-ປາຊີຟິກ (APT) ຄັ້ງທີ 1.

11/05/2020

ປທສ ເຂົ້າຮ່ວມກອງປະຊຸມທາງໄກ ກັບກຸ່ມປະສານງານໃນການສ້າງແຜນຍຸດທະສາດວຽກງານ ອົງການໂທລະຄົມມະນາຄົມ ອາຊີ-ປາຊີຟິກ (APT) ຄັ້ງທີ 1.

     ເມື່ອບໍ່ດົນມານີ້, ກະຊວງໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ເຂົ້າຮ່ວມກອງປະຊຸມທາງໄກ (Virtual Meeting) ຂອງກຸ່ມປະສານງານໃນການສ້າງແຜນຍຸດທະສາດວຽກງານ APT ສຳ​ລັບ​ປີ 2021-2023 ຄັ້ງທີ 1 ຜ່ານລະບົບກອງປະຊຸມທາງໄກ (The 1st Meeting of the Correspondence Group for the Strategic Plan of the APT for 2021-2023 (CGSP-1)) ຮ່ວມກັບບັນດາປະເທດສະມາຊິກ APT ໂດຍການເປັນປະທານກອງປະຊຸມ ຂອງ ສປ ຈີນ, ມີ​ຜູ້​ເຂົ້າ​ຮ່ວມ​ທັງ​ໝົດ​ຫຼາຍ​ກ່​ວາ 70 ທ່ານ ຈາກ 25 ປະເທດ.

       ສປປ ລາວ ໄດ້ຮັບກຽດສະເໜີເປັນຮອງປະທານກອງປະຊຸມ ໂດຍ ທ່ານ ນາງ ພາວັນນາ ດວງບຸບຜາ, ຮອງຫົວໜ້າກົມແຜນການ ແລະ ການຮ່ວມມື, ກະຊວງ ປທສ ໃນ​ນາມ​ຕາງ​ໜ້າ​ສະ​ມາ​ຊິກ​ຂອງ​ກຸມ CGSP-1 ຂອງ​ ສ​ປ​ປ ລາວ, ພ້ອມທັງມີຕາງໜ້າ ເຂົ້າຮ່ວມຈາກບັນດາກົມ/ທຽບເທົ່າ ທີ່ກ່ຽວຂ້ອງພາຍ​ໃນ ກະຊວງ ປທສ.

       ການຈັດກອງປະຊຸມໃນຄັ້ງນີ້ ກໍ່ເພື່ອປຶກສາຫາລື ແລະ ປະ​ກອບ​ຄຳ​ຄິດຄຳເຫັນ ຕໍ່ຮ່າງແຜນຍຸດທະສາດ APT ສຳ​ລັບ​ປີ 2021-2023 ເພື່ອ​ກຳ​ນົດ​ທິດ​ທາງ​​ດຳ​ເນີນ​ງານ​ຂອງ​ອົງ​ການ APT ໃນ​ຕໍ່​ໜ້າ. ພ້ອ​ມນີ້​, ຍຸດ​ທະ​ສາດ​ດັ່ງ​ກ່າວ ຍັງ​ເປັນການຜັນຂະຫຍາຍຖະແຫຼງການສິງ​ກະ​ໂປ ວ່າ​ດ້ວຍ​ການຮ່ວມມືກັນເພື່ອການ​ເຊື່ອມ​ຈອດດິ​ຈິ​ຕອນ ໃນ​ພາກ​ພື້ນ​ອາ​ຊີ-​ປາ​ຊີ​ຟິກ ທີ່​ໄດ້​ຮັບ​ຮອງໃນກອງປະຊຸມລັດຖະມົນຕີ ອາຊີ-ປາຊີຟິກ ດ້ານໄອຊີທີ 2019 (Asia-Pacific ICT Ministerial Meeting 2019) ທີ່​ຈັດ​ຂຶ້ນໃນທ້າຍເດືອນ ມິຖຸນາ 2019 ຜ່ານມານີ້, ທີ່ປະເທດສິງກະໂປ.

        ຂ່າວ: ກົມແຜນການແລະການຮ່ວມມື, ກະຊວງ ປທສ.

 

ສະຖິຕິຂະແໜງ ໄປສະນີ, ໂທລະຄົມມະນາຄົມ ແລະ ການສື່ສານ ປີ2018
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບລ່າສຸດ
ວາ​ລະ​ສານ ໄອ​ຊີ​ທີ 15
ລະ​ບົບ​ຂື້ນ​ທະ​ບຽນ​ປະ​ຊຸມ