ປທສ ສຳມະນາ ກ່ຽວກັບມາດຕະຖານເຊື່ອມໂຍງຂໍ້ມູນ ຂອງລັດຖະບານ ເອເລັກໂຕຣນິກ

19/10/2020

ປທສ ສຳມະນາ ກ່ຽວກັບມາດຕະຖານເຊື່ອມໂຍງຂໍ້ມູນ ຂອງລັດຖະບານ ເອເລັກໂຕຣນິກ

     ໃນວັນທີ 14 ຕຸລາຜ່ານມານີ້, ສູນບໍລິຫານລັດດ້ວຍເອເລັກໂຕຣນິກ, ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ຂອງ ສປປລາວ ແລະ ບໍລິສັດ ໄປສະນີ ໂທລະຄົມມະນາຄົມ ປະເທດ ສສ.ຫວຽດນາມ (Vietnam Post and Telecommunications(VNPT)) ໄດ້ຮ່ວມກັນເປັນເຈົ້າພາບ ຈັດກອງປະຊຸມສຳມະນາ ກ່ຽວກັບມາດຕະຖານເຊື່ອມໂຍງຂໍ້ມູນ ຂອງລັດຖະບານ ເອເລັກໂຕຣນິກ “Workshop on e-Government data integration standard” ຂຶ້ນ.  ໂດຍການເປັນປະທານຂອງ ທ່ານ  ປອ. ທະວີສັກ ມະໂນທັມ ຫົວໜ້າສູນບໍລິຫານລັດດ້ວຍເອເລັກໂຕຣນິກ  ແລະ Mr. Lam Quoc Cuong ຜູ້ອຳນວຍການຂອງ VNPT-I ມີບັນດາກົມ/ທຽບເທົ່າ ພາຍໃນກະຊວງ ປທສ, ບັນດາກະຊວງອ້ອມຂ້າງ/ອົງການທຽບເທົ່າ, ບັນດາບໍລິສັດ, ຜູ້ປະກອບການທາງດ້ານ ICT ພ້ອມດ້ວຍພະນັກງານຈາກບໍລິສັດ VNPT ສສ ຫວຽດນາມເຂົ້າຮ່ວມ.

     ການຈັດກອງປະຊຸມຄັ້ງນີ້ ກໍ່ເພື່ອນຳສະເໜີກ່ຽວກັບ ລະບົບມາດຕະຖານເຊື່ອມໂຍງຂໍ້ມູນ ຂອງລັດຖະບານ ເອເລັກໂຕຣນິກ ຂອງປະເທດ ສສ ຫວຽດນາມ. ພ້ອມທັງ ປຶກສາຫາລືກ່ຽວກັບການອອກແບບລະບົບມາດຕະຖານເຊື່ອມໂຍງຂໍ້ມູນ ຂອງລັດຖະບານເອເລັກໂຕຣນິກ ຂອງກະຊວງ ປທສ. ພ້ອມດຽວກັນນັ້ນ, ບໍລິສັດ VNPT-I ກໍ່ໄດ້ຂື້ນນຳສະເໜີກ່ຽວກັບ ລະບົບການເຊື່ອມໂຍງຂໍ້ມູນ ຂອງປະເທດ ສສ.ຫວຽດນາມ (Vietnam Data Exchange Platform (VDXP)) ແລະ ມາດຕະຖານການສົ່ງ-ຮັບຂໍ້ມູນ (API STANDARD), ລະບົບປະຕູຖານຂໍ້ມູນຂອງພາກລັດ (iGate Portal) ແລະ ລະບົບຫ້ອງການເອເລັກໂຕຣນິກ (eCabinet). ພ້ອມນີ້, ກໍ່ໄດ້ເປີດໂອກາດໃຫ້ບັນດາຜູ້ເຂົ້າຮ່ວມ ປະກອບຄຳຄິດຄຳເຫັນ ແລະ ຖາມ-ຕອບ ຕໍ່ກັບຫົວຂໍ້ຕ່າງໆ ທີ່ທາງ ຊ່ຽວຊານ ໄດ້ນໍາສະເໜີ.

           ຂ່າວ: ສູນບໍລິຫານລັດດດ້ວຍເອເລັກໂຕຣນິກ.

           ພາບ: ຫ້ອງການກະຊວງ.

 

ສະຖິຕິຂະແໜງ ໄປສະນີ, ໂທລະຄົມມະນາຄົມ ແລະ ການສື່ສານ ປີ2019
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບລ່າສຸດ
ວາ​ລະ​ສານ ໄອ​ຊີ​ທີ 15
ລະ​ບົບ​ຂື້ນ​ທະ​ບຽນ​ປະ​ຊຸມ