ປທສ ເປີດຊຸດຝຶກອົບຮົມຫຼັກສູດ ທັກສະການຂຽນບົດ ແລະ ຂຶ້ນນຳສະເໜີບົດຢູ່ພາຍໃນ ແລະ ຕ່າງປະເທດ ຊຸດທີ III

21/10/2020

ປທສ ເປີດຊຸດຝຶກອົບຮົມຫຼັກສູດ ທັກສະການຂຽນບົດ ແລະ ຂຶ້ນນຳສະເໜີບົດຢູ່ພາຍໃນ ແລະ ຕ່າງປະເທດ ຊຸດທີ III

        ໃນ​ຕອນ​ເຊົ້າ​ວັນ​ທີ 20 ຕຸ​ລາ 2020 ນີ້, ກົມ​ຈັດ​ຕັ້ງ-ພະ​ນັກ​ງານ, ກະະ​ຊວງ ໄປ​ສະ​ນີ, ໂທ​ລະ​ຄົມ​ມະ​ນາ​ຄົມ ແລະ ການ​ສື່​ສານ (ປທສ) ໄດ້​ຈັດພິ​ທີເປີດຊຸດ​ຝຶກ​ອົບ​ຮົມ ຫຼັກ​ສູດ ທັກ​ສະ​ການ​ຂຽນ​ບົດ ແລະ ຂຶ້ນ​ນຳ​ສະ​ເໜີ​ບົດ ຢູ່​ພາຍ​ໃນ ແລະ ຕ່າງ​ປະ​ເທດ ຊຸດ​ທີ III ຂຶ້ນທີ່ ສະຖາບັນ ເຕັກ​ໂນ​ໂລ​ຊີການ​ສື່​ສານ​ຂໍ້​ມູນ​ຂ່າວ​ສານ. ໂດຍ​ການ​ເປັນປະ​ທານ ແລະ ກ່າວ​ເປີດ​ພິ​ທີ​ຂອງ ທ່ານ ສີ​ລິ​ພອນ ອິນ​ທິ​ລາດ, ຫົວ​ໜ້າ​ສະ​ຖາ​ບັນ​ຝຶກ​ອົບ​ຮົມ ໂຍ​ທາ​ທິ​ການ ແລະ ຂົນ​ສົ່ງ, ກະ​ຊວງ ໂຍ​ທາ​ທິ​ການ ແລະ ຂົນ​ສົ່ງ ແລະ ທ່ານ ເຄນ​ທອງ ແພງວົງ​ສາ, ຮອງຫົວໜ້າກົມຈັດຕັ້ງ-ພະນັກງານ ກະຊວງ ປ​ທ​ສ ​ມີນັກສໍາມະນາກອນ ຈາກບັນ​ດາ​ກົມ/ທຽບ​ເທົ່າ ແລະ ພະ​ແນກ ປ​ທ​ສ 08 ແຂວງ ພາກ​ກາງ-ໃຕ້, ບັນ​ດາ​ບໍ​ລິ​ສັດອ້ອມ​ຂ້າງ​ກະ​ຊວງ ປ​ທ​ສ ເຂົ້າ​ຮ່ວມ​.

          ໃນ​ຊຸດ​ຝຶກ​ອົບ​ຮົມ​ຄັ້ງ​ນີ້, ​ໄດ້​ຮັບ​ການ​ຮ່ວມ​ມື ທາງ​ດ້ານ​ເນື້ອ​ໃນຫຼັກ​ສູດ ແລະ ນັກ​ວິ​ທະ​ຍາ​ກອນ           ຈາກ ສະ​ຖາ​ບັນ​ຝຶກ​ອົບ​ຮົມ ໂຍ​ທາ​ທິ​ການ ແລະ ຂົນ​ສົ່ງ, ກະ​ຊວງ ໂຍ​ທາ​ທິ​ການ ແລະ ຂົນ​ສົ່ງ. ຊຶ່ງ​​ຫຼັກ​ສູດ​ ມີ​ທັງການ​​ຂຶ້ນ​ຫ້ອງ​ຮັບ​ຟັງການ​ບັນຍາຍ ແລະ ຝຶກປະ​ຕິ​ບັດ​ຕົວ​ຈິງ ຊຶ່ງໄດ້ດໍາເນີນໄປເປັນເວລາ 04 ວັນ (ລະຫວ່າງວັນທີ 20-24 ຕຸລາ 2020). ການ​ຝຶກ​ອົບ​ຮົມຫຼັກສູດດັ່ງກ່າວ ແມ່ນວຽກງານ​ໜຶ່ງ​ທີ່​ມີ​ຄວາມໝາຍ​ຄວາມ​ສໍາຄັນ​​ ໃນ​ການ​ສ້າງ​ຄວາມ​ໝັ້ນ​ໃຈ​​ຂັ້ນ​ພື້ນ​ຖານ ແລະ ກຽມຄວາມພ້ອມ​ເປັນຜູ້ບັນຍາຍແບບ​ມື​ອາ​ຊີບ, ມີຄວາມເຂັ້ມແຂງດ້ານທັກສະ, ເຕັກນິກ, ວິທີການ ແລະ ຂັ້ນຕອນຕ່າງໆ ໃນການຂຽນບົດນຳສະເໜີ ແລະ ການນໍາສະເໜີບົດ ໃຫ້ມີຄວາມໝັ້ນໃຈ ມີຄວາມຊໍານິຊໍານານ, ຄ່ອງແຄ້ວໃນການປາກເວົ້າ ແລະ ອະທິບາຍຂໍ້ມູນຕ່າງໆ. ຄຽງຄູ່ກັນນັ້ນ  ກໍ່ແມ່ນການນຳໃຊ້ພາສາທາງດ້ານຮ່າງກາຍ ເພື່ອຊ່ວຍໃນການນຳສະເໜີໃຫ້ຈະແຈ້ງ, ເຂົ້າໃຈດີ ແລະ ຕິດຕາມໄດ້ງ່າຍ ໃນ​ການ​ເຂົ້າ​ຮ່ວມສຳ​ມະ​ນາ ຫຼື ຝຶ​ກ​ອົບ​ຮົມ ຢູ່​ພາຍ​ໃນ ແລະ ຕ່າງ​ປະ​ເທດໃຫ້​ມີ​ປະສິດທິຜົນສູງສຸດ.

          ພາບ+ຂ່າວ: ກົມຈັດຕັ້ງ-ພະນັກງານ.

 

ສະຖິຕິຂະແໜງ ໄປສະນີ, ໂທລະຄົມມະນາຄົມ ແລະ ການສື່ສານ ປີ2019
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບລ່າສຸດ
ວາ​ລະ​ສານ ໄອ​ຊີ​ທີ 15
ລະ​ບົບ​ຂື້ນ​ທະ​ບຽນ​ປະ​ຊຸມ