ປທສ ແນະນໍາສະຫຼຸບການຈັດຕັ້ງປະຕິບັດ ຍຸດທະສາດ ຕ້ານການສໍ້ລາດບັງຫຼວງ.

18/11/2020

ປທສ ແນະນໍາສະຫຼຸບການຈັດຕັ້ງປະຕິບັດ ຍຸດທະສາດ ຕ້ານການສໍ້ລາດບັງຫຼວງ.

           ໃນຕອນເຊົ້າຂອງວັນທີ 17 ພະຈິກ 2020 ນີ້, ທີ່ຫ້ອງປະຊຸມສູນອິນເຕີເນັດແຫ່ງຊາດ, ກະຊວງໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ເປີດກອງປະຊຸມ ແນະນໍາສະຫຼຸບການຈັດຕັ້ງປະຕິບັດ ຍຸດທະສາດ ຕ້ານການສໍ້ລາດບັງຫຼວງ ແຕ່ນີ້ຮອດປີ 2020 ໃຫ້ກັບພະນັກງານຜູ້ເຮັດວຽກງານກວດກາອ້ອມຂ້າງກະຊວງ ປທສ ເພື່ອເປັນບ່ອນອີງໃນການຈັດຕັ້ງປະຕິບັດ ໃຫ້ຖືກຕ້ອງຕາມຂັ້ນຕອນ ແລະ ລະບຽບການ. ໂດຍການເປັນປະທານຂອງ ທ່ານ ຄໍາໄມ ແພງວົງສາ ຮອງຫົວໜ້າກົມກວດກາ, ກະຊວງ ປທສ ແລະ ຂຶ້ນບັນຍາຍເອກະສານແນະນໍາໂດຍ ທ່ານ ເທບພະໄທ ພັນກ້າ ຮອງຫົວໜ້າກົມກວດກາຕ້ານການສໍ້ລາດບັງຫຼວງ, ຄະນະກວດກາສູນກາງພັກ ແລະ ອົງການກວດກາລັດຖະບານ ມີຄະນະໜ່ວຍພັກ, ຄະນະກົມ/ທຽບເທົ່າ, ຄະນະພັກຮາກຖານ ບັນດາບໍລິສັດລັດວິສາຫະກິດ, ຄະນະພະແນກ ປທສ ນະຄອນຫຼວງ ພ້ອມດ້ວຍພະນັກງານຜູ້ທີ່ເຮັດວຽກງານກວດກາເຂົ້າຮ່ວມ.

          ກອງປະຊຸມໃນຄັ້ງນີ້, ເປີດຂຶ້ນທ່າມກາງບັນຍາກາດທົ່ວພັກ ທົ່ວປວງຊົນລາວທັງຊາດ ພ້ອມກັນສືບຕໍ່ຜັນຂະຫຍາຍຈັດຕັ້ງປະຕິບັດ ມະຕິກອງປະຊຸມໃຫຍ່ຄັ້ງທີ X ຂອງພັກ, ແຜນພັດທະນາເສດຖະກິດ-ສັງຄົມ 5 ປີ ຄັ້ງທີ VIII ຂອງລັດ ເວົ້າລວມ, ເວົ້າສະເພາະ ກໍ່ຄືແຜນພັດທະນາ 05 ປີ ຄັ້ງທີ II ຂອງຂະແໜງການ ປທສ ໃນໄລຍະທ້າຍສະໄໝ. ສະນັ້ນ, ຈຶ່ງເຫັນໄດ້ເຖິງຄວາມສໍາຄັນ, ຄວາມເອົາໃຈໃສ່ຂອງຄະນະພັກ, ຄະນະນໍາກະຊວງ ປທສ ຕໍ່ກັບວຽກງານກວດກາ ໃນຂະແໜງການ ປທສ ຈຶ່ງໄດ້ເປີດກອງປະຊຸມແນະນໍາສະຫຼຸບການຈັດຕັ້ງປະຕິບັດ ຍຸດທະສາດ ຕ້ານການສໍ້ລາດບັງຫຼວງ ນີ້ຂຶ້ນ ເພື່ອຍົກສູງຄວາມຮູ້ຄວາມສາມາດ, ຄວາມເຂົ້າໃຈ ແລະ ຄວາມຮັບຜິດຊອບ ຂອງພະນັກງານນໍາພາຄຸ້ມຄອງແຕ່ລະຂັ້ນ ສາມາດນໍາໄປຈັດຕັ້ງປະຕິບັດເຂົ້າໃນວຽກງານໃຫ້ມີປະສິດທິຜົນສູງ

          ໃນໂອກາດນີ້, ທ່ານປະທານ ໄດ້ເນັ້ນໜັກໃຫ້ ຜູ້ເຂົ້າຮ່ວມ ເອົາໃຈໃສ່ຕິດຕາມຄົ້າຄວ້າເອກະສານ ເພື່ອນໍາເອົາບົດຮຽນ, ປະສົບການດັ່ງກ່າວ ນໍາໄປຜັນຂະຫຍາຍ ແລະ ໜູນໃຊ້ເຂົ້າໃນການຈັດຕັ້ງປະຕິບັດວຽກງານກວດກາ ຕາມຄວາມຮັບຜິດຊອບຂອງຕົນ ໃຫ້ມີຄວາມຖືກຕ້ອງ, ສອດຄ່ອງ ແລະ ຮັບປະກັນຜົນສໍາເລັດ ຕາມການມອບໝາຍຂອງຄະນະພັກຂັ້ນເທິງ.

          ຂ່າວ: ກົມກວດກາ.

          ພາບ+ກວດແກ້: ຫ້ອງການກະຊວງ.

 

ສະຖິຕິຂະແໜງ ໄປສະນີ, ໂທລະຄົມມະນາຄົມ ແລະ ການສື່ສານ ປີ2019
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບລ່າສຸດ
ວາ​ລະ​ສານ ໄອ​ຊີ​ທີ 15
ລະ​ບົບ​ຂື້ນ​ທະ​ບຽນ​ປະ​ຊຸມ