ກອງປະຊຸມຄົບຄະນະກຳມາທິການເພື່ອຄວາມກ້າວໜ້າຂອງແມ່ຍິງ ແລະ ແມ່-ເດັກ ກະຊວງ ປທສ

30/12/2020

ກອງປະຊຸມຄົບຄະນະກຳມາທິການເພື່ອຄວາມກ້າວໜ້າຂອງແມ່ຍິງ ແລະ ແມ່-ເດັກ ກະຊວງ ປທສ

        ໃນຕອນເຊົ້າຂອງວັນທີ 24 ທັນ​ວາຜ່ານມານີ້, ທີ່ຫ້ອງປະຊຸມຊັ້ນ 02 ຄະນະກໍາມາທິການເພື່ອຄວາມກ້າວໜ້າຂອງແມ່ຍິງ ແລະ ແມ່-ເດັກ ( ຄກມດ) ກະຊວງໄປສະນີ, ໂທລະຄົມມະນາຄົມ ແລະ ການສື່ສານ (ປ​ທ​ສ) ໄດ້ເປີດກອງປະຊຸມຄົບຄະນະກໍາມາທິການເພື່ອຄວາມກ້າວໜ້າຂອງແມ່ຍິງ ແລະ ແມ່-ເດັກ ເພື່ອປຶກສາຫາລືປະກອບຄໍາເຫັນໃສ່ “ຮ່າງ” ບົດສະຫຼຸບການຈັດຕັ້ງປະຕິບັດວຽກງານສົ່ງເສີມຄວາມກ້າວໜ້າຂອງແມ່ຍິງ, ວຽກງານແມ່ແລະເດັກ 05 ປີ ( 2016-2020 ) ແລະ ທິດທາງແຜນການ 05 ປີ ( 2021-2025 ) ຂອງຂະແໜງ ປທສ; ພາຍໃຕ້ການເປັນປະທານຂອງທ່ານ ທອງໃສ ຊານໄຊຍະ ຮອງລັດຖະມົນຕີ, ປະທານ ຄະນະກໍາມາທິການເພື່ອຄວາມກ້າວໜ້າຂອງແມ່ຍິງ ແລະ ແມ່-ເດັກ ກະຊວງ ປທສ,   ມີບັນດາທ່ານຄະນະກົມ/ທຽບເທົ່າ ແລະ ຄະນະຜູ້ອໍານວຍການ ບໍລິສັດ ລັດວິສາຫະກິດ, ຄະນະກໍາມາທິການເພື່ອຄວາມກ້າວໜ້າຂອງແມ່ຍິງ ແລະ ແມ່-ເດັກ ກະຊວງ ປທສ  ພ້ອມດ້ວຍເສນາທິການຊ່ວຍວຽກ ຄກມດ ບັນດາກົມ/ທຽບເທົ່າ ແລະ ບໍລິສັດ ລັດວິສາຫະກິດ ອ້ອມຂ້າງກະຊວງ ປທສ  ເຂົ້າຮ່ວມທັງໝົດ  20  ທ່ານ, ຍິງ 15 ທ່ານ, ຊາຍ 05 ທ່ານ. 

        ກອງປະຊຸມໄດ້ຮັບຟັງການນໍາສະເໜີ “ຮ່າງ” ບົດສະຫຼຸບການຈັດຕັ້ງປະຕິບັດວຽກງານສົ່ງເສີມຄວາມກ້າວໜ້າຂອງແມ່ຍິງ, ວຽກງານແມ່ແລະເດັກ 05 ປີ ( 2016-2020 ) ແລະ ທິດທາງແຜນການ 05 ປີ ( 2021-2025 ) ຂອງຂະແໜງ ປທສ; ໂດຍພະແນກຄວາມກ້າວໜ້າຂອງແມ່ຍິງ ແລະ ແມ່-ເດັກ; ຊຶ່ງຜູ້ເຂົ້າຮ່ວມກອງ​ປະ​ຊຸມໄດ້ປະກອບຄໍາຄິດຄໍາເຫັນຫຼາຍບັນຫາໃສ່ຮ່າງບົດສະຫຼຸບຕີລາຄາວຽກງານຜ່ານມາ ແລະ ແຜນການໃນຕໍ່ໜ້າ ຢ່າງກົງໄປກົງມາ  ສົມເຫດສົມຜົນ ຢ່າງມີລັກສະນະສ້າງສັນ.

         ບົດຂ່າວໂດຍ:  ຫ້ອງການກະຊວງ, ພະແນກຄວາມກ້າວໜ້າຂອງແມ່ຍິງ ແລະ ແມ່-ເດັກ

 

ສະຖິຕິຂະແໜງ ໄປສະນີ, ໂທລະຄົມມະນາຄົມ ແລະ ການສື່ສານ ປີ2019
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບລ່າສຸດ
ວາ​ລະ​ສານ ໄອ​ຊີ​ທີ 15
ລະ​ບົບ​ຂື້ນ​ທະ​ບຽນ​ປະ​ຊຸມ