ຊາວໜຸ່ມກະຊວງ ປທສ ເຂົ້າຮ່ວມ ແລະ ນຳສະເໜີເສີມຂະຫຍາຍບົດບາດປະຈັນບານຂອງຄະນະຊາວໜຸ່ມແຫ່ງຍຸກໃໝ່

24/02/2021

ຊາວໜຸ່ມກະຊວງ ປທສ ເຂົ້າຮ່ວມ ແລະ ນຳສະເໜີເສີມຂະຫຍາຍບົດບາດປະຈັນບານຂອງຄະນະຊາວໜຸ່ມແຫ່ງຍຸກໃໝ່

          ໃນຕອນບ່າຍຂອງວັນທີ 17 ກຸມພາ 2021 ຜ່ານມານີ້, ໄດ້ມີການຈັດກອງປະຊຸມສຳມະນາວິທະຍາສາດໃນຫົວຂໍ້: ເສີມຂະຫຍາຍບົດບາດປະຈັນບານຂອງຄະນະຊາວໜຸ່ມແຫ່ງຍຸກໃໝ່ ໂດຍ ກົມອົບຮົມຊາວໜຸ່ມ ສູນກາງຊາວໜຸ່ມປະຊາຊົນປະຕິວັດລາວ, ໄດ້ຮັບກຽດກ່າວເປີດພິທີ ແລະ ເປັນປະທານນຳພາກອງປະຊຸມ ໂດຍ ສະຫາຍ ອາລຸນໄຊ ສຸນນະລາດ ກຳມະການສຸນກາງພັກ, ເລຂາຄະນະພັກ, ເລຂາຄະນະບໍລິຫານງານ ສປປລ ແລະ ສະຫາຍ ວົງສັກດາ ພົມມີໄຊ ຫົວໜ້າກົມອົບຮົມຊາວໜຸ່ມ, ໂດຍມີການເຂົ້າຮ່ວມຂອງ ຕາງໜ້າຊາວໜຸ່ມກະຊວງໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ຈຳນວນ 8 ສະຫາຍ ນຳພາໂດຍ ສະຫາຍ ໄຊສົມຫວັງ ສຸວັນນະວົງ ຄະນະປະຈຳ ຄະນະບໍລິຫານງານຊາວໜຸ່ມກະຊວງ ປທສ, ພ້ອມດ້ວຍບັນດາຊາວໜຸ່ມຈາກຫຼາຍພາກສ່ວນເຂົ້າຮ່ວມຢ່າງພ້ອມພຽງ.

           ໃນກອງປະຊຸມສຳມະນາວິທະຍາສາດຄັ້ງນີ້ ແມ່ນໄດ້ມີການນຳສະເໜີ 4 ຫົວຂໍ້. ໂດຍສະຫາຍ ວົງວິໄລ ອິນທະສານ ສະມາຊິກຊາວນຸ່ມ ຈາກສູນສະກັດກັ້ນ ແລະ ແກ້ໄຂເຫດສຸກເສີນທາງຄອມພິວເຕີ ຕາງໜ້າຈາກຄະນະຊາວໜຸ່ມ ກະຊວງ ປທສ ຂຶ້ນນໍາສະເໜີຫົວຂໍ້ ຊາວໜຸ່ມກັບການນຳໃຊ້ສື່ສັງຄົມອອນລາຍໃຫ້ມີປະໂຫຍດ ແລະ ປອດໄພ. ຊຶ່ງແຕ່ລະບົດນຳສະເໜີ ແມ່ນມີການເຈາະຈີ້ມ ຈາກປະທານກອງປະຊຸມ, ຜູ້ເຂົ້າຮ່ວມ ແລະ ມີການແລກປ່ຽນ ປະກອບຄຳຄິດຄຳເຫັນ ຢ່າງກົງໄປກົງມາ ຢ່າງເປັນຂະບວນຟົດຟື້ນ.

          ໃນຕອນທ້າຍຂອງກອງປະຊຸມ ສະຫາຍ ອາລຸນໄຊ ສຸນນະລາດ ຍັງໄດ້ໂອ້ລົມຕໍ່ກັບກອງປະຊຸມ ພ້ອມທັງເນັ້ນໜັກໃຫ້ຄະນະຊາວໜຸ່ມແຕ່ລະພາກສ່ວນເອົາໃຈໃສ່ສືບຕໍ່ໃນການນຳໄປເຜີຍແຜ່ເພື່ອໃຫ້ສັງຄົມໄດ້ຮັບຮູ້ ແລະ ເຂົ້າເຖິງຄວາມໝາຍຄວາມສຳຄັນ ຂອງບັນດາວຽກງານທີ່ໄດ້ນຳສະເໜີໃນກອງປະຊຸມສຳມະນາວິທະຍາສາດໃນຄັ້ງນີ້ ນໍາໄປໝູນໃຊ້ເຂົ້າໃນໜ້າທີ່ວຽກງານຂອງຕົນ ໃຫ້ມີປະສິດທິພາບສູງສຸດ.

          ພາບ+ຂ່າວ: ຄຊປປລ, ກະຊວງ ປທສ.

 

ສະຖິຕິຂະແໜງ ໄປສະນີ, ໂທລະຄົມມະນາຄົມ ແລະ ການສື່ສານ ປີ2019
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບລ່າສຸດ
ວາ​ລະ​ສານ ໄອ​ຊີ​ທີ 15
ລະ​ບົບ​ຂື້ນ​ທະ​ບຽນ​ປະ​ຊຸມ