ກອງປະຊຸມຄົ້ນຄວ້າ, ປະກອບຄໍາເຫັນໃສ່ຮ່າງມະຕິກົມການເມືອງວ່າດ້ວຍການຫັນເປັນດີຈີຕອນ.

21/09/2021

ກອງປະຊຸມຄົ້ນຄວ້າ, ປະກອບຄໍາເຫັນໃສ່ຮ່າງມະຕິກົມການເມືອງວ່າດ້ວຍການຫັນເປັນດີຈີຕອນ.

      ໃນຕອນເຊົ້າຂອງວັນທີ 14 ກັນຍາ 2021 ຜ່ານມານີ້, ກະຊວງ ເຕັກໂນໂລຊີ ແລະ ການສື່ສານ (ກຕສ) ໄດ້ຈັດ ກອງປະຊຸມເພື່ອຄົ້ນຄວ້າ ແລະ ປະກອບຄໍາເຫັນ ໃສ່ຮ່າງມະຕິກົມການເມືອງ ວ່າດ້ວຍການຫັນເປັນດີຈີຕອນ ຂອງ ສປປ ລາວຂຶ້ນ. ໂດຍການເປັນປະທານ ຂອງ  ທ່ານ ບັນດິດ ສາດສະດາຈານ ບໍ່ວຽງຄຳ ວົງດາລາ ລັດຖະມົນຕີ ກະຊວງ ຕສ ມີທ່ານຮອງລັດຖະມົນຕີກະຊວງ ຕສ ແລະ ບັນດາທ່ານຫົວໜ້າກົມ/ທຽບເທົ່າ ພ້ອມດ້ວຍ ຄະນະຮັບຊອບການເກັບລາຍຮັບທັນສະໄໝ ເຂົ້າຮ່ວມ.

         ກອງປະຊຸມໃນຄັ້ງນີ້, ຜູ້ເຂົ້າຮ່ວມໄດ້ພ້ອມກັນປະກອບຄໍາເຫັນໃສ່ຮ່າງກົດໝາຍດັ່ງກ່າວ ໂດຍເນັ້ນໃສ່ທັດສະນະຂອງພັກ ຕໍ່ການພັດທະນາເສດຖະກິດດີຈີຕອນ ຂອງ ສປປ ລາວ, ພ້ອມກັນນັ້ນ ກໍ່ໄດ້ລົງເລິກກ່ຽວກັບ ທິດທາງ, ຄາດໝາຍສູ້ຊົນ ແລະ ມາດຕະການຈັດຕັ້ງປະຕິບັດ ໃນການພັດທະນາເສດຖະກິດດິີຈີຕອນ ເພື່ອກະກຽມຮ່າງມະຕິດັ່ງກ່າວ ເອົາເຂົ້າຜ່ານກອງປະຊຸມສູນກາງພັກທີ່ຈະຈັດຂຶ້ນໃນໄວໆນີ້.

        ໃນໂອກາດນີ້, ກອງປະຊຸມກໍໄດ້ຍົກໃຫ້ເຫັນຄວາມສໍາຄັນຕໍ່ການພັດທະນາດີຈີຕອນ ເຊິ່ງ ເປັນບາດກ້າວອັນຈໍາເປັນພື້ນຖານໃນການຂັບເຄື່ອນຂະບວນການຫັນເປັນດີຈີຕອນ ໃຫ້ເປັນຮູບປະທໍາ, ໂດຍສະເພາະ ການພັດທະນາລັດຖະບານດີຈິີຕອນ, ເສດຖະກິດດີຈີຕອນ ແລະ ໃຫ້ມີການນໍາໃຊ້ ເຕັກໂນໂລຊີດີຈິີຕອນ ເພື່ອພັດທະນາເສດຖະກິດສັງຄົມຂອງພວກເຮົາໃນອະນາຄົດ ໃຫ້ມີປະສິດທິພາບເພີ່ມຂຶ້ນເລື້ອຍໆ.

          ຂ່າວໂດຍ: ອານຸກໍາມະການນະໂຍບາຍ, ນິຕິກໍາ ແລະ ສົ່ງເສີມ

 

ສະຖິຕິຂະແໜງ ໄປສະນີ, ໂທລະຄົມມະນາຄົມ ແລະ ການສື່ສານ ປີ2019
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບລ່າສຸດ
ວາ​ລະ​ສານ ໄອ​ຊີ​ທີ 17
ລະ​ບົບ​ຂື້ນ​ທະ​ບຽນ​ປະ​ຊຸມ