ກຕສ ເຂົ້າຮ່ວມພິທີປິດ ແລະ ຈັດບູດວາງສະແດງ ໃນງານກິດຈະກຳເເຂ່ງຂັນກິລາຂອງ ສມປຊ

24/06/2022

ກຕສ ເຂົ້າຮ່ວມພິທີປິດ ແລະ ຈັດບູດວາງສະແດງ ໃນງານກິດຈະກຳເເຂ່ງຂັນກິລາຂອງ ສມປຊ

ເພື່ອເປັນການປະກອບສ່ວນເຂົ້າໃນວຽກງານໂຄສະນາ, ເຜີຍແຜ່ ແລະ ສົ່ງເສີມການຊົມໃຊ້ນະວັດຕະກຳດ້ານໄອຊີທີຂອງສັງຄົມ ທັງເປັນການສ້າງສີສັນ ແລະ ສະເຫຼີມສະຫຼອງວັນໂທລະຄົມມະນາຄົມສາກົນ ຄົບຮອບ 157 ປີ ໃນຕອນບ່າຍຂອງວັນທີ 23 ມີຖຸນາ 2022, ທີ່່ສະຖາບັນການເມືອງ ແລະ ການປົກຄອງ ແຫ່ງຊາດ(ສມປຊ), ບ້ານ ທ່າງອນ, ເມືອງໄຊທານີ, ນະຄອນຫຼວງວຽງຈັນ ໄດ້ມີພິທີປິດງານກິດຈະກຳການແຂ່ງຂັນກິລາຂອງ ສມປຊ ປະຈຳປີ 2022, ຊຶ່ງກະຊວງເຕັກໂນໂລຊີ ແລະ ການສື່ສານ(ກຕສ) ໄດ້ເຂົ້າຮ່ວມຈັດບູດວາງສະແດງຜົນງານ, ບັນດາຜະລິດຕະພັນດ້ານ ໄອຊີທີ ແລະ ນະວັດຕະກຳ ຂອງກະຊວງ ປະກອບມີບູດຂອງອົງການດັດສົມໂທລະຄົມມະນາຄົມ ແລະ ສູນບໍລິຫານລັດດິຈິຕ໋ອນ. ນອກຈາກນັ້ນ, ບໍລິສັດ ລາວໂທລະຄົມມະນາຄົມ ມະຫາຊົນ, ບໍລິສັດ ອີທີແອລ ຈຳກັດ, ບໍລິສັດ ທີພລັດ ດີຈີຕ໋ອນ ຈຳກັດ, ບໍລິສັດ ດາວທຽມລາວ ອາເຊຍ-ປາຊີຟິກ ຈຳກັດ ແລະ ບໍລິສັດ ສະຕາ ໂທລະຄົມ ກໍ່ເຂົ້າຮ່ວມຈັດບູດວາງສະແດງຜະລິດຕະພັນສິນຄ້າຂອງຕົນຢ່າງຟົດຟື້ນ.

        ໃນໂອກາດເຂົ້າຮ່ວມພິທີປິດງານກິດຈະກຳການແຂ່ງຂັນກິລາຂອງ ສມປຊ ປະຈຳປີ 2022 ກຕສ ໄດ້ມອບເງິນເພື່ອອຸປະຖຳຊຸກຍູ້ງານງານດັ່ງກ່າວເປັນຈຳນວນ 5,000,000 ກີບ ຊຶ່ງຕາງໜ້າໃຫ້ ກຕສ ມອບໃນຄັ້ງນີ້ໂດຍທ່ານ ປອ. ສັນຕິສຸກ ສີມມາລາວົງ, ຮອງເລຂາຄະນະພັກ, ຮອງລັດຖະມົນຕີ ກະຊວງ ເຕັກໂນໂລຊີ ແລະ ການສື່ສານ, ພ້ອມດ້ວຍຄະນະກົມ, ຄະນະສູນ ແລະ ຕາງໜ້າຮັບໂດຍທ່ານ ນາງ ຄຳຫຼ້າ ແກ້ວອຸ່ນຄຳ, ຄະນະພັກ, ຮອງຫົວໜ້າສະຖາບັນການເມືອງ ແລະ ການປົກຄອງ ແຫ່ງຊາດ.

ບົດຂ່າວໂດຍ: ສູນສົ່ງເສີມ ແລະ ຖ່າຍທອດເຕັກໂນໂລຊີ

 

 

ຊົມເຊີຍວັນໂທລະຄົມມະນາຄົມ 157 ປີ
ສະຖິຕິຂະແໜງ ເຕັກໂນໂລຊີ ແລະ ການສື່ສານ ປີ2021
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບຫຼ້າສຸດ
ວາ​ລະ​ສານ ໄອ​ຊີ​ທີ 17
ລະ​ບົບ​ຂື້ນ​ທະ​ບຽນ​ປະ​ຊຸມ