ລັດຖະມົນຕີ ກຕສ ຕ້ອນຮັບການເຂົ້າຢ້ຽມຂໍ່ານັບຂອງ ຮອງຫົວໜ້າອົງການການບີນອາວະກາດ ແຫ່ງຊາດ ສປ ຈີນ

26/09/2022

ລັດຖະມົນຕີ ກຕສ ຕ້ອນຮັບການເຂົ້າຢ້ຽມຂໍ່ານັບຂອງ ຮອງຫົວໜ້າອົງການການບີນອາວະກາດ ແຫ່ງຊາດ ສປ ຈີນ

      ໃນຕອນເຊົ້າ ຂອງວັນທີ 21 ກັນຍາ 2022 ຜ່ານມານີ້, ທ່ານ ບັນດິດ ສຈ. ບໍ່ວຽງຄໍາ ວົງດາລາ, ລັດຖະມົນຕີກະຊວງ ເຕັກໂນໂລຊີ ແລະ ການສື່ສານ(ກຕສ) ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ຫວູ ຍ້ຽນຫົວ (Mr. Wu Yanhua), ຮອງຫົວໜ້າອົງການການບີນອາວະກາດ ແຫ່ງຊາດ ສປ ຈີນ ພ້ອມດ້ວຍຄະນະ ທີ່ຫ້ອງຮັບແຂກ, ກຕສ ໃນໂອກາດທີ່ໄດ້ມາເຄື່ອນໄຫວວຽກງານຢູ່ ສປປ ລາວ.

       ໃນໂອກາດນີ້, ທ່ານ ຫວູ ຍ້ຽນຫົວ ໄດ້ສະແດງຄວາມຂອບໃຈຕໍ່ ທ່ານລັດຖະມົນຕີ ກຕສ ທີ່ໄດ້ເສຍສະຫຼະເວລາອັນມີຄ່າໃຫ້ກຽດຕ້ອນຮັບໃນຄັ້ງນີ້ ພ້ອມໄດ້ລາຍງານສະພາບການຈັດຕັ້ງປະຕິບັດການຮ່ວມມືສອງຝ່າຍ ລາວ-ຈີນ ຂົງເຂດວຽກງານເຕັກໂນໂລຊີ ແລະ ການສື່ສານ ໃນໄລຍະຜ່ານມາ ແລະ ແນວທາງການຮ່ວມມືໃນຕໍ່ໜ້າ ໂດຍສະເພາະ ວຽກງານຖ່າຍທອດເຕັກໂນໂລຊີຂັ້ນສູງ ແລະ ນະວັດຕະກຳໃໝ່ໆ ຢູ່ ສປປ ລາວ ກໍຄືການດໍາເນີນໂຄງການ ກໍ່ສ້າງສູນນະວັດຕະກຳເຕັກໂນໂລຊີຂັ້ນສູງຢູ່ ສປປ ລາວ ໃນໄລຍະຜ່ານມາ ທາງບໍລິສັດ ດາວທຽມ ເອເຊຍ - ປາຊີຟີກ ຈໍາກັດ (LAOSAT) ກໍໄດ້ນໍາສະເໜີຕໍ່ ກຕສ ໂດຍຜ່ານ ກົມຄື້ນຄວາມຖີ່. ພ້ອມນັ້ນ, ສອງຝ່າຍໄດ້ປຶກສາຫາລືກັນ ໃນການຊຸກຍູ້ສົ່ງເສີມໃຫ້ ສປປ ລາວ ຫັນມານໍາໃຊ້ ດາວທຽມລາວ ເພື່ອນຳໃຊ້ເຂົ້າໃນວຽກງານປ້ອງກັນຊາດ, ປ້ອງກັນຄວາມສະຫົງບ ແລະ ວຽກງານອຶ່ນໆ ໃຫ້ຫຼາຍຂຶ້ນ ເພື່ອການພັດທະນາຢ່າງແຂງແຮງເພີ່ມຂຶ້ນເລື້ອຍໆ ໃນອານາຄົດ.

        ໃນຕອນທ້າຍ ທ່ານ ບັນດິດ ສຈ. ບໍ່ວຽງຄໍາ ວົງດາລາ ໄດ້ສະແດງຄວາມຍິນດີຕອນຮັບ ພ້ອມທັງສະແດງຄວາມຊົມເຊີຍ ທ່ານ ຫວູ ຍ້ຽນຫົວ ພ້ອມດ້ວຍຄະນະ ຕໍ່ກັບການຮ່ວມມືໃນໄລຍະຜ່ານມາ ແລະ ເປັນການລິເລີ່ມດໍາເນີນໂຄງການ ກໍ່ສ້າງສູນນະວັດຕະກຳເຕັກໂນໂລຊີຂັ້ນສູງຢູ່ ສປປ ລາວ ຊຶ່ງຈະເປັນຂີດໝາຍອັນສໍາຄັນ ໃນການຮ່ວມມືກັນໃນອານາຄົດ ຂອງສອງຝ່າຍ ລາວ-ຈີນ ພ້ອມທັງຈະເສີມຂະຫຍາຍການນໍາໃຊ້ລະບົບການສື່ສານດາວທຽມລາວໃຫ້ກວ້າງຂວາງຂຶ້ນໄປເລື້ອຍໆ.

       

       ພາບ + ຂ່າວ: ພະແນກປະຊາສໍາພັນ, ຫ້ອງການກະຊວງ.

 

ສະຖິຕິຂະແໜງ ເຕັກໂນໂລຊີ ແລະ ການສື່ສານ ປີ2021
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບຫຼ້າສຸດ
ວາ​ລະ​ສານ ໄອ​ຊີ​ທີ 17
ລະ​ບົບ​ຂື້ນ​ທະ​ບຽນ​ປະ​ຊຸມ